Թուրքիայի ԶՈւ ԳՇ կայքը հունիսի 3-ին հրապարակել է զինված ուժերի թվաքանակի մասին տվյալները, ըստ որոնց՝ ԶՈւ անձնակազմը 579.899 է, ինչը շուրջ 33,5 հազարով պակաս է մայիսին հրապարակված ցուցանիշից (613.419) և շուրջ 53,5 հազարով՝ հունվարին հրապարակվածից (633.056): ԶՈւ անձնակազմում նշված 613.419-ից 51.837-ը քաղաքացիական աշխատողներ են, իսկ 528.062-ը` զինվորականներ:
Տվյալները հրապարակվել են Թուրքիայի ԶՈւ ԳՇ կայքում։ Ստորև կներկայացնենք ԶՈւ թվաքանակի վերաբերյալ տվյալները` աղյուսակով:
Մարտի 11-ին Թուրքիայի ԶՈւ ԳՇ պետ, բանակի գեներալ Հուլուսի Աքարը մասնակցել է հատուկ նշանակության կուրսերն ավարտած զինծառայողների երդման արարողությանը:
Հատկանշական է, որ մայիսին հրապարակված ցուցանիշների համեմատ՝ կտրուկ նվազել է զորակոչված անձնակազմի թվաքանակը՝ շուրջ 34700-ով, որից՝ ժանդարմերիայի զորակոչված անձնակազմը՝ 23687-ով, ցամաքային, ռազմաօդային ու ռազմածովային ուժերի անձնակազմը՝ 10606-ով: Առափնյա անվտանգության ուժերի զորակոչված անձնակազմը նվազել է շուրջ 450-ով (ընդհանուր զորակոչված՝ 1487 զինծառայող):
Պրոֆեսիոնալ զինծառայողների թվաքանակն ավելացել է ընդամենը 1289-ով՝ դառնալով շուրջ 244 հազար: Ավելացումները հավասարապես բաշխվել են բոլոր զինված կառույցներում:
Ընդհանուր առմամբ նշված փոփոխությունների, զորակոչված անձնակազմի նվազման արդյունքում՝ ժանդարմերիայում պրոֆեսիոնալ զինծառայողների թվաքանակը համեմատական կարգով ավելացել է 7 տոկոսով, իսկ ցամաքային, ռազմաօդային և ռազմածովային ուժերում` 2 տոկոսով:
Բոլոր կառույցներում պրոֆեսիոնալ զինծառայողների ընդհանուր թվաքանակը համեմատական կարգով ավելացել է 3 տոկոսով՝ կազմելով ԶՈւ ընդհանուր թվաքանակի 46 տոկոսը: Սակայն, ինչպես վերը նշվեց, պրոֆեսոիանալ զինծառայողների բացարձակ թվաքանակում փոփոխություններն աննշան են:
| Զինվորական կոչում | Ցամաքային ուժեր, ՌԾՈւ, ՌՕՈւ | Ժանդարմերիա | Առափնյա անվտանգություն | Ընդհանուր թվաքանակ |
| Գեներալ, ծովակալ | 325 | 32 | 1 | 358 |
| Սպաներ | 32.215 | 6.447 | 663 | 39.325 |
| Ենթասպաներ | 69.068 | 25.872 | 1.564 | 96.504 |
| Պայմանագրային ժանդարմներ | — | 21.479 | — | 21.479 |
| Հատուկ պայմանագրային եֆրեյտորներ | 46.732 | 27.186 | 696 | 74.614 |
| Պայմանագրային եֆրեյտորներ, շարքայիններ | 12.042 | — | 131 | 12.173 |
| Պրոֆեսիոնալ անձնակազմ | 160.382 | 81.016 | 3.055 | 244.453 |
| Զորակոչված անձնակազմ | 206.617 | 75.505 | 1.487 | 283.609 |
| Քաղաքացիական կազմ | 47.200 | 3.627 | 1.010 | 51.837 |
| Ընդհանուր թվաքանակ | 414.199 | 160.148 | 5.552 | 579.899 |
| Պայմանագրայինների թիվը՝ %-ով | 44 | 52 | 67 | 46 |