ՀՀ ՊՆ-ում ամփոփվել են մայիսին կատարված աշխատանքները

Հունիսի 3-ին ՀՀ ՊՆ վարչական համալիրում անցկացվել է աշխատանքային խորհրդակցություն՝ նվիրված մայիս ամսվա ընթացքում զինված ուժերում իրականացված միջոցառումների և աշխատանքների արդյունքների քննարկմանը: Խորհրդակցությանը նախանշվել են նաև առաջիկա անելիքները: Այս մասին տեղեկացնում է ՀՀ ՊՆ կայքը:

ՀՀ պաշտպանության նախարարության խորհրդակցությանը Մովսես Հակոբյանը (կանգնած) և Դավիթ Փախչանյանն առաջին անգամ մասնակցել են որպես նախարարի տեղակալներ

ՀՀ պաշտպանության նախարարության խորհրդակցությանը Մովսես Հակոբյանը (կանգնած) և Դավիթ Փախչանյանն առաջին անգամ մասնակցել են որպես նախարարի տեղակալներ

ՀՀ պաշտպանության նախարար Սեյրան Օհանյանը խորհրդակցության մասնակիցների ուշադրությունը հրավիրել է հաշվետու ժամանակահատվածում իրականացված մարտական և զորահավաքային պատրաստականության միջոցառումների, հանկարծակի ստուգումների, մշտական տեղակայման վայրերում և մարտական հենակետերում զինանձնակազմի զգոնության և կարգապահության, անվտանգության կանոնների պահպանման ուղղությամբ իրականացված աշխատանքների վրա:

Անդրադառնալով առաջնագծում ինժեներական, ամրաշինական և անվտանգության կանոնների պահպանման ուղղությամբ իրականացվող աշխատանքներին՝ Սեյրան Օհանյանը խորհրդակցության մասնակիցներին առաջադրել է որոշակի խնդիրներ:

Որպես նախորդ ամիսներին զորքերում իրականացված միջոցառումների շարունակություն՝ Սեյրան Օհանյանը փաստել է, որ հաշվետու ժամանահատվածում պատշաճ մակարդակով կատարվել են զինված ուժերի պատրաստության պլանով նախատեսված միջոցառումները:

ՀՀ ՊՆ խորհրդակցություն

ՀՀ ՊՆ խորհրդակցություն

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *