Կանզաս նահանգի ազգային գվարդիայի հրամանատարի այցը Հայաստան

Հայաստան-Կանզաս համագործակցության ծրագրի շրջանակներում սեպտեմբերի 24-28-ը աշխատանքային այցով Հայաստանում է Կանզաս նահանգի ազգային գվարդիայի հրամանատար-ադյուտանտ գեներալ, գեներալ-մայոր Լի Թաֆանելիի գլխավորած պատվիրակությունը:
Այցի ընթացքում Կանզասի պատվիրակությունը այցելել է ՀՀ ՊՆ խաղաղապահ բրիգադ, ՀՀ ԶՈՒ խաղաղապահ ինժեներական գումարտակի ականազերծման հրահանգիչների համար անցկացվող վարժանքների վայր, ամերիկյան շարժական դաշտային հոսպիտալի բացազատմամբ անցկացվող զորավարժության վայր և ներկա է գտնվել Կանզասի ազգային գվարդիայի հրահանգիչների վարած ականազերծման հրահանգիչների վարժանքին, ինչպես նաև շարժական դաշտային հոսպիտալի զորավարժության վերջնական փուլին: Բժշկական զորավարժությանը մասնակցել են նաև Կանզասի ազգային գվարդիայի ներկայացուցիչներ:
Թաֆանելիին ընդունել են ՀՀ պաշտպանության նախարար Ս.Օհանյանը և ՀՀ ԶՈՒ գլխավոր շտաբի պետ, գեներալ-գնդապետ Յու.Խաչատուրովը:
Կողմերը բարձր են գնահատել երկկողմ համագործակցության մակարդակը, կարևորել համագործակցության զարգացումը ականազերծման, ռազմաբժշկական կարողությունների զարգացման, ՆԱՏՕ-ի Օպերատիվ կարողությունների հայեցակարգի շրջանակներում խաղաղապահ բրիգադի գնահատման գործընթացում փորձագիտախորհրդատվական աջակցության տրամադրման և այլ ուղղություններով:
Նշենք, որ 2013թ.-ին լրանում է Հայաստան-Կանզաս համագործակցության 10-ամյակը: