Իրանը ցուցադրել է իր նոր ԱԹՍ-ը

Իրանի «Իսլամական հեղափոխության պահապանների» կորպուսը ցուցադրել է ռազմական միջոցառումների և օդային հետախուզության համար նախատեսված իր նոր «Շահիդ-129» անօդաչու թռչող սարքը (ԱԹՍ):
Այդ մասին հայտնում է Arms Tass.su-ն:
Ինչպես տեղեկացնում է իրանական TB-Press անգլալեզու հեռուստաալիքը, ԱԹՍ-ը կարող է օդում մնալ 24 ժամ և ոչնչացնել 1700-2000 կմ հեռավորության վրա գտնվող թիրախները:
«Շահիդ-129ը» հնարավոր է զինել աերոլուսանկարող և իրական ժամանակում պատկերների փոխանցման սարքերով:
Իրանցի զինվորականների խոսքերով՝ նոր ԱԹՍ-ը կնպաստի սահմանամերձ շրջաններից և Պարսից ու Օմանի ծոցերից ստացվող հետախուզական տվյալների որակի բարձրացմանը:
Անկախ փորձագտեների կարծիքով՝ Իրանում նման սարքի ստեղծումը կապված է նախորդ տարի Իրանի հակաօդային ուժերի կողմից ամերիկյան RQ-170 «Սենտինել» ԱԹՍ-ը ոչնչացնելու հանգամանքի հետ: Ի պատասխան ԱՄՆ-ի պահանջին՝ ետ վերադարձնել խփված սարքը, Իրանը բավարարվեց միայն սարքի մակետի ցուցադրմամբ:
Մասնագետները գտնում են, որ իրանական կողմը կարող էր օգտագործել «Սենտինելի» միջուկը «Շահիդ-129-ը» ստեղծելու համար: