Աֆղանստանի Քունար նահանգը կրկին գնդակոծության է ենթարկվել

Սեպտեմբերի 22-ին Աֆղանստանի սահմանամերձ Քունար նահանգը Պակիստանի կողմից կրկին հրթիռային գնդակոծման է ենթարկվել, ինչի հետևանքով նահանգի բնակիչները նյութական վնասներ են կրել:
Այդ մասին հայտնում է ՌԻԱ Նովոստին՝ հղում կատարելով աֆղանական Պաժվակ գործակալությանը:
Հաղորդվում է, որ շաբաթ նահանգի Դանգամ և Սարկանո բնակավայրերի ուղղությամբ 169 հրետանային արկ և հրթիռ է արձակվել: Զոհեր չկան:
Նշենք, որ նահանգը Պակիստանից գնդակոծությունների է ենթարկվում՝ չնայած այն հանգամանքին, որ աֆղանական կողմը դիմել է ՄԱԿ-ի Անվտանգության խորհուրդ՝ կոչ անելով դատապարտել պակիստանյան ագրեսիան և գնդակոծությունները դադարեցնելու նպատակով ճնշում գործադրել նրա վրա:
Հավելենք, որ վերջին կես տարվա ընթացքում Աֆղանստանի սահմանամերձ Քունար և Նուրսիտան բնակավայրերի ուղղությամբ Պակիստանի տարածքից ավելի քան 4000 արկ և հրթիռ է արձակվել, ինչի հետևանքով տասնյակ խաղաղ բնակիչներ զոհվել են, հարյուրավորները՝ վիրավորվել:
Գնդակոծությունների պատճառով շուրջ 1500 աֆղան ընտանիք ստիպված է եղել տեղափոխվել Աֆղանստանի Ասադաբադ քաղաք՝ այնտեղ հումանիտար բարդ իրավիճակ ստեղծելով: