Հայաստանում տեղակայված ռուսաստանյան ռազմաբազայի ռադիոէլեկտրոնային պայքարի ստորաբաժանումների նոր տեղափոխված զինծառայողները ծանոթանում են ռազմաբազայի սպառազինության մեջ եղած «Ինֆաունա» ՌԷՊ համակարգին: Այս մասին Ռազմինֆոյին տեղեկացնում է ռազմաբազայի մամուլի ծառայությունը:
Հայաստանում ՌԴ ԶՈւ 102”րդ ռազմաբազայի «Ինֆաունա» ՌԷՊ կայանը
Հայաստանի «Կամխուդ» զորավարժարանում զինծառայողները ծանոթանալու են ՌԷՊ համակարգի մարտավարատեխնիկական բնութագրերին, սովորելու են կատարել բացազատման նորմատիվները, ինչպես նաև ռադիոհետախուզության և ռադիոճնշման ռեժիմներում գտնել կարևոր թիրախները:
«Նավոդչիկ» և «Օրլան» անօդաչու թռչող սարքերի և ՌԷՊ համակարգերի օգնությամբ ստորաբաժանումները փորձելու են նաև որսալ հակառակորդի ԱԹՍ-ները:
Ուսումնական գործընթացն ավարտվելու է զորավարժությամբ, որի ժամանակ զինծառայողները ռադիոհետախուզական և ռադիոէլեկտրոնային պայքարի միջոցներով ճնշելու են պայմանական հակառակորդի հետախուզական և կապի միջոցները:
Pingback: Ռազմաշաբաթ. Հայաստան. 15–21 մայիսի, 2016 | Ռազմ.info