Թուրքիայի բանակի թվակազմը նվազել է, ժանդարմերիայինը՝ ավելացել. աղյուսակ (մայիս 2016թ.)

Թուրքիայի ԶՈւ ԳՇ կայքը մայիսի 4-ին հրապարակել է զինված ուժերի թվաքանակի մասին տվյալները, ըստ որոնց՝ ԶՈւ անձնակազմը 613.419 է, ինչը շուրջ 20 հազարով պակաս է հունվարին հրապարակված ցուցանիշից (633.056), սակայն շուրջ 3 հազարով ավել մարտին հրապարակվածից (610.095): ԶՈւ անձնակազմում նշված 613.419-ից 51.923-ը քաղաքացիական աշխատողներ են, իսկ 561.496-ը` զինվորականներ:Տվյալները հրապարակվել են Թուրքիայի ԶՈւ ԳՇ կայքում։ Ստորև կներկայացնենք ԶՈւ թվաքանակի վերաբերյալ տվյալները` աղյուսակով:

Թուրքիայի ԶՈւ ժանդարմերիայի գլխավոր հրամանատարության հատուկ գործողությունների ստորաբաժանում

Թուրքիայի ԶՈւ ժանդարմերիայի գլխավոր հրամանատարության հատուկ գործողությունների ստորաբաժանում

Հատկանշական է, որ մարտ ամսվա համեմատ ԶՈւ ընդհանուր թվաքանակի ոչ այնքան մեծ փոփոխության կողքին լուրջ տեղափոխություններ են գրանցվել ժանդարմերիայի և ցամաքային, ռազմաօդային ու ռազմածովային ուժերի անձնակազմերում:

Մասնավորապես մարտ ամսին ներկայացված ցուցանիշների համեմատ մայիսին տրամադրած տվյալներով` ժանդարմերիայում շուրջ 19500-ով ավելացել է պարտադիր զորակոչված անձնակազմի թվաքանակը, իսկ նշված երեք զորատեսակներում` նվազել շուրջ 17 հազարով:

Հավելենք, որ ԶՈւ թվաքանակի շուրջ 3000-ով աճը գրանցվել է հիմնականում ժամկետային զորակոչվածների հաշվին: Ժանդարմերիայի զինծառայողների ընդհանուր թվաքանակն ավելացել է շուրջ 21 հազարով, իսկ ցամաքային, ռազմաօդային և ռազմածովային ուժերում նվազել շուրջ 18 հազարով: Ընդհանուր առմամբ նշված փոփոխությունների և անձնակազմի տեղափոխությունների արդյունքում ժանդարմերիայում պրոֆեսիոնալ զինծառայողների թվաքանակը նվազել է 5 տոկոսով, իսկ ցամաքային, ռազմաօդային և ռազմածովային ուժերում` ավելացել 1 տոկոսով:

Ամենայն հավանականությամբ, ժանդարմերիայի թվաքանակի ավելացումը կարող է կապված լինել 2015-ի հուլիսի Թուրքիայի արևելյան և հարավարևելյան քրդաբնակ շրջաններում շարունակվող պատերազմական գործողությունների հետ, քանի որ ժանդարմերիայի հիմնական պարտականությունը հենց քրդական զինված խմբավորումների, մասնավորապես` «Քրդստանի աշխատավորական կուսակցության» (PKK) դեմ պայքարն է: Իսկ վերջին շրջանի գործողությունները ցույց են տալիս, որ թուրքական ժանդարմերիան քրդերի դեմ մարտերում հսկայական քանակի զոհեր է տալիս:

Զինվորական կոչում Ցամաքային ուժեր, ՌԾՈւ, ՌՕՈւ Ժանդարմերիա Առափնյա անվտանգություն Ընդհանուր թվաքանակ
Գեներալ, ծովակալ 325 32 1 358
Սպաներ 32.220 6.470 663 39.353
Ենթասպաներ 69.014 26.008 1.571 96.593
Պայմանագրային ժանդարմներ 21.597 21.597
Հատուկ պայմանագրային եֆրեյտորներ 46.719 26.343 654 73.716
Պայմանագրային եֆրեյտորներ, շարքայիններ 11.412 135 11.547
Պրոֆեսիոնալ անձնակազմ 159.690 80.450 3.024 243.164
Զորակոչված անձնակազմ 217.223  99.192  1.917 318.332
Քաղաքացիական կազմ 47.283 3.631 1.009 51.923
Ընդհանուր թվաքանակ 424.196  183.273  5.950 613.419
Պայմանագրայինների թիվը՝ %-ով 42 45 61 43

2 responses to “Թուրքիայի բանակի թվակազմը նվազել է, ժանդարմերիայինը՝ ավելացել. աղյուսակ (մայիս 2016թ.)

  1. Pingback: Թուրքիայի բանակի թվակազմը նվազել է. աղյուսակ (հունիս 2016թ.) | Ռազմ.info

  2. Pingback: Թուրքիայի ԶՈւ թվաքանակը շարունակում է նվազել. աղյուսակ (հուլիս 2016) | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *