Եռատոնի կապակցությամբ ՀՀ նախագահն այցելել է «Հաղթանակ» զբոսայգի

Նախագահ Սերժ Սարգսյանն այսօր Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հետ այցելել է Երևանի «Հաղթանակ» զբոսայգի և ծաղկեպսակ է դրել Անհայտ զինվորի հուշահամալիրին:

Նախագահ Սարգսյանի այցը «Հաղթանակ» զբոսայգի

Նախագահ Սարգսյանի այցը «Հաղթանակ» զբոսայգի

Նախագահ Սարգսյանին ուղեկցել են պատերազմի վետերաններ, ՀՀ ԶՈւ բարձրաստիճան սպաներ, ազատամարտիկների հասարակական կազմակերպությունների ներկայացուցիչներ, պետական բարձրաստիճան պաշտոնատար անձինք, Հայաստանում հավատարմագրված դիվանագիտական կորպուսի ներկայացուցիչներ: Այս մասին տեղեկացնում է ՀՀ նախագահի կայքը:

Հայրենական մեծ պատերազմում տարած հաղթանակի և Շուշիի ազատագրման տարեդարձների կապակցությամբ ՀՀ նախագահը հարգանքի ու երախտագիտության տուրք է մատուցել հայրենիքի պաշտպանության և խաղաղության համար իրենց կյանքը զոհաբերած հերոսների հիշատակին:

Սերժ Սարգսյանը միջոցառման մասնակիցների հետ դիտել է ՀՀ զինված ուժերի, ՌԴ սահմանպահ ծառայության, պատվո պահակախմբի ստորաբաժանումների, Վ. Սարգսյանի անվան ռազմական ինստիտուտի կուրսանտների և Մ. Մելքոնյանի անվան ռազմամարզական վարժարանի սաների հանդիսավոր քայլերթը:

Նախագահն այնուհետև այցելել է զբոսայգում Հաղթանակի և խաղաղության տոնի կապակցությամբ ավանդաբար կազմակերպվող դաշտային խոհանոց և շնորհավորել զինվորական վրանային ճաշի սեղանի շուրջ հավաքված վետերաններին, ճաշել ու զրուցել նրանց հետ` վետերաններին հետաքրքրող հարցերի շուրջ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *