Կայացել է ՀՀ և ՌԴ պաշտպանության նախարարների հանդիպումը

Պաշտպանության նախարարությունից տեղեկացնում են, որ սեպտեմբերի 19-ին ՀՀ պաշտպանության նախարարության վարչական համալիրում տեղի է ունեցել ՀՀ պաշտպանության նախարար Սեյրան Օհանյանի և ՌԴ պաշտպանության նախարար Անատոլի Սերդյուկովի հանդիպումը:
ՀՀ ՊՆ վարչական համալիրում կայացած դիմավորման հանդիսավոր արարողությունից հետո ՀՀ և ՌԴ պաշտպանական գերատեսչությունների ղեկավարների մասնակցությամբ տեղի է ունեցել երկու երկրների պատվիրակությունների ընդլայնված կազմով հանդիպում, որի ավարտին Ս. Օհանյանը և Ա. Սերդյուկովը հանդիպել են լրագրողների հետ:
Իրենց խոսքում կողմերը կարևորել են հայ-ռուսական ջերմ հարաբերությունները, որոնք, ըստ նախարար Օհանյանի, արտահայտվում են նաև ռազմական համագործակցության շրջանակներում:
Հանդիպման ընթացքում քննարկվել են տարածաշրջանային և միջազգային անվտանգության, պաշտպանության ոլորտում երկկողմ համագործակցության, հավաքական ուժերի շրջանակներում ծրագրերին, ՀՀ-ում տեղակայված ռուսական ռազմակայանի իրավական հիմքի ձևակերպմանը, 2013 թվականի նախագծերին վերաբերող հարցեր:
ՌԴ պաշտպանության նախարարն անդրադարձել է երեկ Հայաստանում ավարտված ՀԱՊԿ «Փոխգործակություն-2012» զորավարժությանն ու ասել, որ «Փոխգործակցություն-2012»-ը վկայում է մարտական պատրաստականության բարձր աստիճանի և գործողությունների ներդաշնակության մասին»:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *