Ղրղըզստանում ռուսական ռազմաբազաների տեղակայման ժամկետը երկարաձգվել է

Օրերս Ռազմինֆոն տեղեկացրել էր Ղրղըզստանի պառլամենտական հանձնաժողովներում Ղրղըզստանի տարածքում ռուսական ռազմաբազաների հետագա տեղակայման և նրանց կարգավիճակի վերաբերյալ համաձայնագրին, ինչպես նաև ռուս-ղրղըզական ռազմական համագործակցությանը վերաբերող հարցերի քննարկման վերաբերյալ:
Այսօր արդեն, ինչպես հայտնում է ՌԻԱ Նովոստին, Ռուսաստանի և Ղրղըզստանի նախագահների միջև տեղի ունեցած բանակցությունների արդյունքում ստորագրվել են Ղրղըզստանի տարածքում ռուսական ռազմաբազաների տեղակայման կարգավիճակին ու պայմաններին վերաբերող համաձայնագիր և ռուս-ղրղըզական ռազմական համագործակցությանը վերաբերող արձանագրություն: Վերջինս կգործի մինչև հիշյալ համաձայնագրի ուժի մեջ մտնելը:
Համաձայնագիրը, որն ուժի մեջ կմտնի 2017 թվականից, ստորագրված է 15 տարի ժամկետով և կարող է ժամկետն ավարտվելուց հետո երկարաձգվել ևս 5 տարով:
ՌԴ նախագահ Վլադիմիր Պուտինի խոսքերով՝ Աֆղանստանից ՆԱՏՕ-ի զորքերի դուրսբերումից հետո (2014) ռուսական ռազմաբազաները կապահովվեն կայունությունը Կենտրոնական Ասիայում:
Ղրղըզստանի տարածքում տեղակայված ռուսական ռազմաբազաների մասին առավել մանրամասն կարող եք կարդալ այստեղ՝ http://razm.info/8129: