ՀՀ պաշտպանության նախարարության կայքում հրապարակվել է ապրիլի 2-ից 5-ն ընկած ժամանակահատվածում տեղի ունեցած մարտական գործողությունների հետևանքով զոհվածների մասին տեղեկանք:
Մարտական կորուստներ.
ապրիլի 2-ից 5-ն ընկած ժամանակահատվածում հակառակորդի հետ անմիջական շփման գծում տեղի ունեցած մարտական գործողությունների ժամանակ զոհվել են 64 զինծառայողներ և 13 աշխարհազորայիններ ու պահեստազորայիններ (ընդամենը՝ 77 զոհ).
- սպաներ՝ 15,
- պայմանագրային զինծառայողներ՝ 15,
- ժամկետային պարտադիր զինծառայողներ՝ 34,
- աշխարհազորայիններ՝ 11,
- պահեստազորայիններ՝ 2:
Անհայտ կորած.
- 1 սպա` կապիտան Գաբոյան Արգիշտի Արծվիի:
Ոչ մարտական կորուստներ.
ապրիլի 2-ից 13-ն ընկած ժամանակահատվածում սահմանային լարվածության ուժգնացման պայմաններում կորուստները կազմել են ընդամենը` 15 զոհված/մահացած.
- զինծառայողներ՝ 9,
- աշխարհազորայիններ՝ 2,
- հակառակորդի հանցավոր գործողությունների արդյունքում զոհված Արցախի խաղաղ բնակիչներ՝ 4:
Ընդհանուրը` 92 զոհված/մահացած: