Սեյրան Օհանյանը հանդիպել է ՀԱՊԿ երկրների ներկայացուցիչների հետ

Ինչպես տեղեկացնում են պաշտպանության նախարարությունից, այսօր պաշտպանության նախարարությունում տեղի է ունեցել ՀՀ պաշտպանության նախարարի հանդիպումը Հավաքական անվտանգության մասին պայմանագրի կազմակերպության խորհրդարանական ասամբլեայի խորհրդին կից ՀԱՊԿ անդամ պետությունների պաշտպանության և անվտանգության հարցերով կոմիտեների (հանձնաժողովների) ներկայացուցիչների հետ: Հանդիպմանը մասնակցել է նաև ՀԱՊԿ գլխավոր քարտուղար Նիկոլայ Բորդյուժան:
Հանդիպման ընթացքում քննարկվել են ՀԱՊԿ օպերատիվ արձագանքման հավաքական ուժերի ներգրավմամբ անցկացվող «Փոխգործակցություն-2012»համատեղ զորավարժությանն, ինչպես նաև հետագա համագործակցությանն առնչվող մի շարք հարցեր: Իր ելույթում նախարար Սեյրան Օհանյանը մասնավորապես ասել է. «Ինձ համար շատ հաճելի է նման ներկայացուցչական պատգամավորական պատվիրակություն հյուրընկալել ՀՀ ՊՆ–ում: Ինձ զեկուցեցին, որ Հավաքական անվտանգության մասին պայմանագրի կազմակերպության խորհրդարանական ասամբլեայի խորհրդի օրակարգով նախատեսված է Համակարգող խորհրհրդակցության անդամների` որպես դիտորդ մասնակցությունը «Փոխգործակցություն 2012» համատեղ զորավարժությանը»: