ՌԴ-ում մեկնարկել է «Կովկաս-2012» զորավարժությունը

Այսօր ՌԴ Հարավային ռազմական շրջանում մեկնարկել են «Կովկաս-2012» ռազմավարական հրամնատարաշտաբային զորվարժությունները, որոնց մասնակցում են ՌԴ ԶՈՒ, ինչպես նաև ՆԳՆ, ԱԻՆ, Անվտանգության և Պահպանության ծառայությունների ուժերը: Այդ մասին լրագրողներին հայտնել է ՌԴ ՊՆ մամլո ծառայության ներկայացուցիչը:
Սեպտեմբերի 17-23-ը ընթացող զորավարժություններին ներգրավված են մինչև 8000 մարդ, ավելի քան 200 մարտական մեքենա, շուրջ 100 հրետանային տեխնիկա, 10 ռազմական նավ:
Հատկանշական է, որ զորավարժությունների մասնակիցների շարքում չկան այլ պետությունների ներկայաչուցիչներ:
ՌԴ հարևան որոշ երկրների հետ հարաբերությունների սրումը բացառելու նկատառումներով զորավարժություններին չեն մասնակցում Հայաստանում, Հարավային Օսեթիայում և Աբխազիայում տեղակայված ռազմաբազաների ստորաբաժանումները:
Բանն այն է, որ ՆԱՏՕ-ի անդամ մի քանի երկրների ներկայացուցիչներ «Կովկաս-2012» զորավարժությունները համարում են միջամտություն Վրաստանի ներքին գործերին, անգամ Վրաստանի հետ պատերազմի նախապատրաստություն:
Զորավարժությունների ընթացքում նախատեսված է իրականացնել կրակոցներ «Իսկանդեր» օպերատիվ-մարտավարական համակարգերից, կիրառել ջրային և օդային թևավոր հրթիռներ, հակատանկային համակարգեր: