Այսօր՝ ապրիլի 4-ին, սպանվել է Ադրբեջանի ԶՈւ զինծառայող, 27 տարեկան Գայըբով Էլվին Սադրադդին օղլուն (Elvin Sədrəddin oğlu Qayıbov): Զինծառայողը սպանվել է Ֆիզուլիում տեղի ունեցող մարտերի ժամանակ:
Ադրբեջանի ԶՈւ զինծառայող Գաիբով Էլվին Սադրադդին օղլու: Նկարը՝ ANS Press գործակալության
Այս մասին հայտնել է ադրբեջանական ANS press լրատվական գործակալությունը:
Սպանված զինծառայողը հուղարկավորվելու է վաղը՝ապրիլի 5-ին, իր ծննդավայրում՝ Խաչմազ շրջանի Աբիլյաթագ գյուղում:
Հիշեցնենք, որ ապրիլի 4-ին, Ադրբեջանի ՊՆ կայքը հայտարարել էր, որ իրենց կողմը գիշերվա ընթացքում 3 զոհ է ունեցել: Ավելի վաղ՝ ապրիլի 2-ին, Ադրբեջանի ՊՆ-ն հայտնել էր ևս 12 սպանվածների մասին։
Ընդհանուր առմամբ հակառակորդ կողմի պաշտպանական գերատեսչությունը ապրիլի 2-4 ընկած ժամանակահատվածում հաստատել է 15 զինծառայողի կորստի մասին, թեև թշնամու կորուստները բազմապատիկ ավելի շատ են. Ադրբեջանցի մի քանի տասնյակ սպանված զինծառայողների դիակներ երևում են ՊԲ հրապարակած տեսանյութերում և լուսանկարներում։
Սպանված զինծառայողների մասին տվյալները կարող եք նայել հետևյալ թարմացվող հղումով: Ընդհանուր առմամբ ներկա պահին հայտնի է 24 սպանվածի ինքնություն: