Թուրք-քրդական զինված բախումները կրկին ինտենսիվացել են

Մարտի 19-21-ին Թուրքիայի ԶՈւ ԳՇ-ն հայտնել է, որ Թուրքիայի հարավարևելյան շրջաններում «Քրդստանի աշխատավորական կուսակցության» (PKK) զինյալների հետ բախումներում, սպանվել է Թուրքիայի ԶՈւ և ոստիկանության առնվազն 10 հատուկջոկատային: Այս մասին նշվում է Թուրքիայի ԶՈւ ԳՇ կայքում հրապարակված տեղեկությունում:

Թուրքիայի Մարդին նահանգի Նուսայբին գավառը թուրք-քրդական բախումների հետևանքով

Նշենք, որ մարտի 19-ին Թուրքիայի ԶՈւ ԳՇ կայքը հայտնել էր Մարդինի Նուսայբին գավառում քրդերի դեմ բախումներում ոստիկանության մեկ և զինված ուժերի երկու հատուկջոկատայինների սպանության մասին, ինչպես նաև առնվազն 3 վիրավորների մասին: Մարտի 20-ին նույն աղբյուրը հայտնել էր, որ Շրնաքում այդ օրը սպանվել է 1 հատուկջոկատային: Մարտի 21-ին աղբյուրը հայտնել էր Նուսայբինում և Շրնաքում 5 հատուկջոկատայինների սպանության և ևս 6-ի վիրավորման մասին:

Թուրքիայի ԶՈւ ԳՇ մարտի 22-ի հաղորդագրությունում նշվում է, որ նույն օրը Նուսայբինում սպանվել է մեկ, վիրավորվել` ևս մեկ հատուկջոկատային: Իսկ Հաքքարիի Յուքսեքովա գավառում սպանվել է ԶՈւ մեկ և ոստիկանության երկու հատուկջոկատային, ևս 3-ը վիրավորվել են:

«Միլլիեթ» պարբերականն իր հերթին մարտի 20-ին հայտնել էր, որ Շրնաքում այդ օրը սպանվածների թիվը հասել է 2-ի, ինչպես նաև Նուսայբինում սպանվել է մեկ հատուկջոկատային, ևս 7-ը` վիրավորվել են:

Թուրքիայի ԶՈւ ԳՇ-ն նաև հայտնել է, որ մարտի 14-ից Նուսայիբինում շարունակվող ռազմական գործողությունների արդյունքում սպանվել է PKK-ի 54 զինյալ, իսկ մարտի 15-ից Շրնաքում և Յուքսեքովայում շարունակվող գործողությունների արդյունքում` համապատասխանաբար 50 և 65 զինյալ:

Փետրվարի 23-ին «Միլլիյեթը» հայտնել է, որ Թուրքիայի ԶՈւ նույն օրը «Քիրքի» զրահամեքենաներով նոր ստորաբաժանումներ է ուղարկել Նուսայբին:

Տեսնայութ Նուսայբինի բախումներից:

Թուրքիայի արևելքում 2015-ի հուլիսին սկսած զինված բախումների ընթացքին կարող եք ծանոթանալ այս հղումով: