Գյումրիում տեղակայված ռուսաստանյան ԶՈւ ռազմաբազայի շուրջ 600 զինծառայող սկսել է վաշտային մարտավարական մեկամսյա վարժանքներ Հայաստանի «Ալագյազ» զորավարժարանում: Այս մասին Ռազմինֆոյին տեղեկացնում է ռազմաբազայի մամուլի ծառայությունը:
Վարժանքներին ներգրավված են ռազմաբազայի տանկային, մոտոհրաձգային, հրետանային, զենիթահրթռիային և հատուկ նշանակության ստորաբաժանումներ՝ ընդհանուր մոտ 200 միավոր ռազմական տեխնիկայով:
Զինծառայողները ստորաբաժանումների կազմում առաջադրանքներ են կատարելու ըստ իրենց զորատեսակների նշանակության, կատարելագործելու են կրակային պատրաստությունը և այլն: Վարժանքների մասնակիցների գործողություններին ղեկավարությունը հետևելու է ռազմակազայի հաստիքային «Գրանատ» և «Զաստավա» անօդաչու թռչող սարքերի միջոցով:
Մեկ ամսվա ընթացքում ստորաբաժանումները վաշտերով և մարտկոցներով շուրջ 20 վարժանք են անելու, ինչից հետո մեկնարկելու են գումարտակներով և դիվիզիոններով վարժանքները: