Մարտի 9-ին ՆԱՏՕ-ի կենտրոնակայան Բրյուսելում անցկացվել է 28+1 ձևաչափով խորհրդի նիստը, որին մասնակցել են Հայաստանի արտգործնախարար Էդվարդ Նալբանդյանն ու պաշտպանության նախարար Սեյրան Օհանյանը, ՆԱՏՕ-ի գլխավոր քարտուղար Յանս Ստոլտենբերգը, դաշինքի անդամ 28 երկրների դեսպանները, ՆԱՏՕ-ի բարձրաստիճան պաշտոնյաներ և ռազմական կառույցի ղեկավարներ: Այս մասին հայտնել է ՀՀ ԱԳՆ մամուլի ծառայությունը:
ՀՀ ԱԳՆ և ՊՆ ղեկավարները մասնակցել են Հայաստան–ՆԱՏՕ համագործակցության խորհրդի նիստին
ՆԱՏՕ-ի գլխավոր քարտուղարի նախագահությամբ անցկացված նիստին Հայաստանի պաշտպանության նախարար Սեյրան Օհանյանն անդրադարձել է պաշտպանական համակարգում իրականացվող բարեփոխումների ընթացքին, ռազմական կրթության բնագավառում կարողությունների ընդլայնմանը և այդ համատեքստում կարևորել Հայաստան–ՆԱՏՕ համագործակցությունը:
Անդրադառնալով Հայաստան – ՆԱՏՕ հարաբերություններին` Էդվարդ Նալբանդյանը դրական է գնահատել Անհատական գործընկերության գործողությունների ծրագրի շրջանակներում հաստատված արդյունավետ փոխգործակցությունը` նշելով, որ Հայաստան–ՆԱՏՕ ԱԳԳԾ-ի թվով չորրորդ` 2014-2016թթ. ծրագիրը հաջողությամբ իրականացվում է, և շեշտել, որ շուտով կմեկնարկի 2017-2018թթ. ԱԳԳԾ մշակման միջգերատեսչական գործընթացը։
ՆԱՏՕ-ի գլխավոր քարտուղար Յենս Ստոլտենբերգն իր ելույթում ընդգծել է, որ կառույցի անդամ շուրջ մեկ տասնյակ երկրների ներկայացուցիչներ դրական են գնահատում Հայաստանի և դաշինքի միջև արդյունավետ փոխգործակցությունը և արձանագրված արդյունքները:
ՀՀ արտգործնախարար Էդվարդ Նալբանդյանը և պաշտպանության նախարար Սեյրան Օհանյանը մասնակցել են ՆԱՏՕ-ի գլխավոր քարտուղար Յեսն Ստոլտենբերիգի ղեկավարությամբ անցկացված Հայաստան–ՆԱՏՕ համագործակցության խորհրդի նիստին
Ելույթ ունեցողները գոհունակություն են հայտնել Անհատական գործընկերության գործողությունների ծրագրի իրականացման արդյունքների, ինչպես նաև Կոսովոյում, Աֆղանստանում, Լիբանանում խաղաղապահ գործողություններին Հայաստանի մասնակցության համար:
Նիստի ավարտին Նալբանդյանն ու Օհանյանը պատասխանել են ՆԱՏՕ-ի անդամ երկրների դեսպանների` Հայաստանի արտաքին քաղաքականությանը, տարածաշրջանային զարգացումներին, արցախյան հիմնախնդրի խաղաղ կարգավորման ուղղությամբ Հայաստանի և միջազգային հանրության կողմից գործադրվող ջանքերին, պաշտպանական և անվտանգության ոլորտներում Հայաստանում իրականացվող բարեփոխումներին վերաբերող հարցերին:
Նիստից առաջ Էդվարդ Նալբանդյանն ու Սեյրան Օհանյանը առանձին հանդիպում են անցկացրել ՆԱՏՕ-ի գլխավոր քարտուղար Յանս Ստոլտենբերգի հետ` քննարկելով Հայաստան-ՆԱՏՕ համագործակցությանը, տարածաշրջանային խնդիրներ:
Հավելենք, որ փետրվարի 29-ից մարտի 2-ը ՀՀ-ՆԱՏՕ Անհատական գործընկերության գործողությունների ծրագրի պլանավորման և վերանայման գործընթացի շրջանակներում Հայաստանի հետ գործընկերության նպատակների նոր փաթեթը համաձայնեցնելու նպատակով Երևանում էրՆԱՏՕ-ի կառույցների համահավաք պատվիրակությունը։
ՀՀ արտգործնախարար Էդվարդ Նալբանդյանը և պաշտպանության նախարար Սեյրան Օհանյանը մասնակցել են ՆԱՏՕ-ի գլխավոր քարտուղար Յեսն Ստոլտենբերիգի ղեկավարությամբ անցկացված Հայաստան–ՆԱՏՕ համագործակցության խորհրդի նիստին