Թուրքիայում մեկնարկել է Թուրքիա-Ադրբեջան ՌՕՈւ զորավարժություն

Մարտի 7-ին Թուրքիայի կենտրոնական Քոնյա քաղաքում մեկնարկել է թուրք-ադրբեջանական ռազմաօդային ուժերի TURAZ Şahini 2016 (Թուրք-ադրբեջանական բազե) համատեղ զորավարժությունը, որը տևելու է մինչև մարտի 25-ը։

Ադրբեջանական կողմից վարժանքներին մասնակցելու համար մարտի 5-ին Թուրքիա են տեղափոխվել 3 միավոր ՄիԳ-29 կործանիչ, 3 միավոր Սու-25 գրոհիչ և Իլ-76 բեռնատար ինքնաթիռներ:  Այս մասին մարտի 5-ին հայտնել էր Ադրբեջանի ՊՆ կայքը:

TURAZ Şahini 2016 զորավարժությանը մասնակից թուրքական և ադրբեջանական ստորաբաժանումներ

TURAZ Şahini 2016 զորավարժությանը մասնակից թուրքական և ադրբեջանական ստորաբաժանումներ

Երկու երկրների ռազմաօդային ուժերի (ՌՕՈւ) մասնակցությամբ զորավարժությունն անցկացվում է Քոնիայի 3-րդ ավիաբազայի Anadolu Kartalı (Անատոլիայի արծիվ) ավիացիոն հարթակում։

Հիշեցնենք, որ TURAZ Şahini զորավարժությունը Թուրքիայի տարածքում առաջին անգամ անցկացվել է 2015-ի մարտ-ապրիլ ամիսներին: Զորավարժությանը ներգրավված ադրբեջանական զորախմբի ղեկավարը նշել էր, որ դա առաջին արտերկրյա զորավարժությունն է, որին Ադրբեջանը մասնակցում է իր ինքնաթիռներով և ուղղաթիռներով։

2015-ի վարժանքներին Ադրբեջանը կրկին մասնակցել էր 3-ական ՄիԳ-29 և Սու-25 ինքնաթիռներով, ինչպես նաև  Իլ-76 բեռնատար ինքնաթիռով: Ընդհանուր առմամբ ներգրավվել էր 106 հոգանոց ադրբեջանական անձնակազմ:

«ԹուրԱզ» զորավարժությունների շարքը ներառում է «ԹուրԱզ Քարթալը (արծիվ)», «ԹուրԱզ Շահինի (բազե) թուրք-ադրբեջանական համտեղ վարժանքները: Առաջինն անցկացվել է 2014-ի սեպտեմբերին` Ադրբեջանի տարածքում:

2015-ի օգոստոս-սեպտեմբեր ամիսներին Ադրբեջանում անցկացվել էր «ԹուրԱզ Քարթալը-2015» զորավարաժությունը:

3 responses to “Թուրքիայում մեկնարկել է Թուրքիա-Ադրբեջան ՌՕՈւ զորավարժություն

  1. Pingback: Ռազմաշաբաթ. Տարածաշրջան. 6 – 12 մարտի, 2016 | Ռազմ.info

  2. Pingback: Թուրքիայում շարունակվում է թուրք-ադրբեջանական ՌՕՈւ զորավարժությունը | Ռազմ.info

  3. Pingback: Ավարտվել է թուրք-ադրբեջանական համատեղ ՌՕՈւ զորավարժությունը | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *