Թուրքիայի ԶՈւ թվաքանակը կտրուկ նվազել է. աղյուսակ (մարտ 2016թ.)

Թուրքիայի ԶՈւ ԳՇ կայքը մարտի 1-ին հրապարակել է զինված ուժերի թվաքանակի մասին տվյալները, ըստ որոնց՝ ԶՈւ անձնակազմը 610.095 է, ինչը շուրջ 23 հազարով պակաս է հունվարին հրապարակված ցուցանիշից (633.056): ԶՈւ անձնակազմում նշված 610.095-ից 52.210-ը քաղաքացիական աշխատողներ են, իսկ 557.885-ը` զինվորականներ: Տվյալները հրապարակվել են Թուրքիայի ԶՈւ ԳՇ կայքում։ Ստորև ներկայացնում ենք ԶՈւ թվաքանակի վերաբերյալ տվյալները` փակագծերում նշելով 2016-ի փետրվարին հրապարակված ցուցանիշները:

Փետրվարի 8-12-ին վարժանքներ Կիպրոսի բռնազավթված թուրքական հատվածում

Թուրքական զինուժում գեներալների և ծովակալների թիվն անփոփոխ է՝ 358, որից 325-ը՝ ցամաքային, ռազմաօդային և ռազմածովային ուժերում, 32-ը՝ ժանդարմերիայում, 1-ը՝ առափնյա անվտանգության ուժերում։ 2015թ. օգոստոսից գեներալների թվաքանակում փոփոխություններ չկան:

Սպաների ընդհանուր թիվը 39.619 է (փետրվարին`39.707), որից 32.451-ը (32.530) ՝ ցամաքային, ռազմաօդային և ռազմածովային ուժերում, 6.500-ը (6.509)՝ ժանդարմերիայում, 668-ը (668)՝ առափնյա անվտանգության ուժերում։ Սպաների թվաքանակը վերջին մեկ ամսվա ընթացքում նվազել է ընդամենը 88-ով:

Ենթասպաների (կրտսեր հրամանատարական կազմ) ընդհանուր կազմը 97.703 է (97.975), որից 69.786-ը (70.028)՝ ցամաքային, ռազմաօդային և ռազմածովային ուժերում, 26.341-ը (26.371)՝ ժանդարմերիայում, 1576-ը (1576)՝ առափնյա անվտանգության ուժերում։ Ենթասպաների ընդհանուր թվաքանակը վերջին մեկ ամսվա ընթացքում գրեթե փոփոխվել:

Պայմանագրային ժանդարմների ընդհանուր քանակը 21.778 է (21․917), պայմանագրային եֆրեյտորների և շարքայինների թիվը՝ 10.413 (10.390), որից 135-ը (73)` առափնյա անվտանգության ուժերում, իսկ 10.278-ը (10.317)՝ ցամաքային զորքերում։ Նախորդ ամսվա համեմատ՝ պայմանագրային եֆրեյտորների և շարքայինների թվաքանակն ավելացել է ընդամենը 23-ով, իսկ պայմանագրային ժանդարմների թվաքանակը նվազել է 139-ով։

Հատուկ պայմանագրային եֆրեյտորների ընդհանուր քանակը 72.785 (72.288) է, որից 47.879 (47.155)-ը՝ ցամաքային, ռազմաօդային և ռազմածովային ուժերում, 24.251-ը (24.475)՝ ժանդարմերիայում, 655-ը (658)՝ առափնյա անվտանգության ուժերում։ Հատուկ պայմանագրային եֆրեյտորների թվաքանակը նախորդ ամսվա համեմատ ավելացել է շուրջ 497-ով:

Ամսվա ընթացքում գրեթե նույնն է մնացել պրոֆեսիոնալ զինծառայողների թվաքանակը: 2016-ի մարտի 1-ի դրությամբ այն 242.656 (242.635) է, որը ԶՈւ ընդհանուր թվաքանակի շուրջ 44 %-ն է (փետրվարին` 42 %):

Պարտադիր զինծառայություն անցնողների ընդհանուր թվաքանակը 315.229 է (փետրվար՝ 338.027, հունվար`332․509, դեկտեմբեր` 322․706 , իսկ նոյեմբեր՝ 350․695 ), որից 234.259-ը (250.304)՝ ցամաքային, ռազմաօդային և ռազմածովային ուժերում, 79.789 (86.080)-ը՝ ժանդարմերիայում,  1181 (1.643)-ը՝ առափնյա անվտանգության ուժերում։

2016-ի փետրվարին ներկայացված տվյաների համեմատ պարտադիր զինծառայություն անցնողների թվաքանակը նվազել է 22.798-ով, որից շուրջ 16 հազարը ցամաքային, ռազմաօդային և ռազմածովային ուժերում, իսկ 6300-ը` ժանդարմերիայում: Կտրուկ նվազել է նաև առափնյա անվտանգության ուժերում ժամկետային զինծառայողների թվաքանակը` շուրջ 500-ով:

Քաղաքացիական ծառայողների և աշխատողների քանակը 52.210 (52.394) է, որից 47.623-ը (47.785)՝ ցամաքային, ռազմաօդային և ռազմածովային ուժերում, 3699-ը (3668)՝ ժանդարմերիայում, 918-ը (921)՝ առափնյա անվտանգության ուժերում։ Քաղաքացիական աշխատողների թվաքանակը գրեթե փոփոխվել:

Այսպիսով, Թուրքիայի ԶՈւ-ի ընդհանուր թվաքանակը 610.095 է (633.056) է, որից 442.601-ը (458.444)՝ ցամաքային, ռազմաօդային և ռազմածովային ուժերում, 162.360-ը (169.072)՝ ժանդարմերիայում, 5.134-ը (5.540)՝ առափնյա անվտանգության ուժերում։

Թուրքիայի ԶՈւ ընդհանուր թվաքանակը նախորդ ամսվա համեմատ նվազել է 22961-ով, ընդ որում՝ նվազել է հենց ժամկետային զինծառայողների թվաքանակը, պրոֆեսիոնալ ծառայողների և քաղաքացիականների շրջանում կտրուկ փոփոխություններ չեն գրանցվել:

Պրոֆեսիոնալ զինծառայողներ են ընդհանուր զինուժի 44 տոկոսը։ Ցամաքային, ռազմաօդային, ռազմածովային ուժերում պրոֆեսիոնալ հիմունքներով է ծառայում զինծառայողների 41 տոկոսը, ժանդարմերիայում՝ 50 տոկոսը, իսկ առափնյա անվտանգության ուժերում՝ 72 տոկոսը։ Պրոֆեսիոնալ զինծառայողների տոկոսային հարաբերակցությունն աճել է բանակի ընդհանուր քանակի նվազման ֆոնին: