Փետրվարի 16-19-ին Թուրքիայի ռազմածովային ուժերը շուրջ 17 ռազմանավերի ներգրավմամբ վարժանքներ են անցկացրել Էգեյան ծովի ջրային տարածքներում` Իզմիրի ծովածոցում: Այս մասին փետրվարի 29-ին հայտնել է Թուրքիայի ԶՈւ ՌԾՈւ կայքը:
Վարժանքներին ներգրավվել են թուրքական ռազմածովային ուժերի «ամֆիբիա» ծովային հետևակի բրիգադի ստորաբաժանումները: Իրականացվել են կրակային վարժանքներ, հակաօդային պաշտպանության մեխանիզմների փորձարկումներ:
Հիշեցնենք, որ 2016-ի փետրվարին Թուրքիայի ՌԾՈւ-ն հայտնել էր անցկացված ևս երկու զորավարժությունների մասին, որոնցից մեկը` ՆԱՏՕ-ի երկրորդ մշտական ականազերծման խմբի (SNMCMG-2) ստորաբաժանումների հետ համատեղ` Սև ծովի ջրային տարածքում:
Իսկ Փետրվարի 15-19-ին վարժանքներ էին անցկացրել Թուրքիայի արևմտյան Մուղլա նահանգի` Միջերկրականի ափամերձ «Դալաման» ռազմածովային բազայում տեղակայված ստորաբաժանումները` «Դալաման» և «Աքսազ» ռազմաբազաների միջև ընկած ջրային, օդային և ցամաքային տարածքներում: