Թուրքիայի ԶՈւ թվաքանակը՝ 2016 թ. փետրվարի դրությամբ. աղյուսակ

Թուրքիայի ԶՈւ ԳՇ կայքը փետրվարի 8-ին հրապարակել է զինված ուժերի թվաքանակի մասին տվյալները, ըստ որոնց՝ ԶՈւ անձնակազմը 633.056  է, ինչը շուրջ 7 հազարով ավելի է հունվարին հրապարակված ցուցանիշից (626․004): ԶՈւ անձնակազմում նշված 633.056-ից 52.394-ը քաղաքացիական աշխատողներ են, իսկ 580.662-ը` զինվորականներ: Տվյալները հրապարակվել են Թուրքիայի ԶՈւ ԳՇ կայքում։ Ստորև ներկայացնում ենք ԶՈւ թվաքանակի վերաբերյալ տվյալները` փակագծերում նշելով 2016-ի հունվարի հրապարակված ցուցանիշները:

Թուրքիայի ԶՈւ

Թուրքիայի ԶՈւ

Թուրքական զինուժում գեներալների և ծովակալների թիվն անփոփոխ է՝ 358, որից 325-ը՝ ցամաքային, ռազմաօդային և ռազմածովային ուժերում, 32-ը՝ ժանդարմերիայում, 1-ը՝ առափնյա անվտանգության ուժերում։ Օգոստոսից ի վեր գեներալների թվաքանակը նվազել է միայն մեկով, իսկ օգոստոսին ավելացել էր 13-ով՝ կապված զինված ուժերի հրամանատարական կազմի փոփոխության և նոր գեներալների նշանակման հետ։

Սպաների ընդհանուր թիվը 39.707 (հունվարին`39․471) է, որից 32.530-ը (32․597) ՝ ցամաքային, ռազմաօդային և ռազմածովային ուժերում, 6.509-ը (6517)՝ ժանդարմերիայում, 668-ը (668)՝ առափնյա անվտանգության ուժերում։ Սպաների թվաքանակը վերջին մեկ ամսվա ընթացքում գրեթե փոփոխության չի ենթարկվել։

Ենթասպաների (կրտսեր հրամանատարական կազմ) ընդհանուր կազմը 97.975 (97․110) է, որից 70.028-ը (70․111)՝ ցամաքային, ռազմաօդային և ռազմածովային ուժերում, 26.371-ը (25․423)՝ ժանդարմերիայում, 1.576-ը (1576)՝ առափնյա անվտանգության ուժերում։ Ենթասպաների ընդհանուր թվաքանակը վերջին մեկ ամսվա ընթացքում ավելացել է ընդամենը 8656-ով:

Պայմանագրային ժանդարմների ընդհանուր քանակը 21.917 (21․978) է, պայմանագրային եֆրեյտորների և շարքայինների թիվը՝ 10.390 (8538), որից 73-ը (73)` առափնյա անվտանգության ուժերում, իսկ 10.317-ը (8611)՝ ցամաքային զորքերում։ Նախորդ ամսվա համեմատ՝ պայմանագրային եֆրեյտորների և շարքայինների թվաքանակն ավելացել է 1852-ով, իսկ պայմանագրային ժանդարմների թվաքանաը նվազել է 61-ով։

Հատուկ պայմանագրային եֆրեյտորների ընդհանուր քանակը 72.288 (73․975) է, որից 47.155 (48․579)-ը՝ ցամաքային, ռազմաօդային և ռազմածովային ուժերում, 24.475-ը (24․734)՝ ժանդարմերիայում, 658-ը (662)՝ առափնյա անվտանգության ուժերում։ Հատուկ պայմանագրային եֆրեյտորների թվաքանակը նախորդ ամսվա համեմատ նվազել է շուրջ 1687-ով:

Վերջին ամիսներին Թուրքիայի զինված ուժերում ավելանում է պրոֆեսիոնալ զինծառայողների թվաքանակը: 2016-ի փետրվարի 8-ի դրությամբ այն կազմում է 242.635 (241․814) է, որը ԶՈւ ընդհանուր թվաքանակի շուրջ 42 %-ն է:

Պարտադիր զինծառայություն անցնողների ընդհանուր թվաքանակը 338.027 (հունվարին ներկայացված տվյալներով՝ 332․509, դեկտեմբերին` 322․706 , իսկ նոյեմբերին՝ 350․695 ) է, որից 250.304-ը (243․892)՝ ցամաքային, ռազմաօդային և ռազմածովային ուժերում, 86.080 (87․088)-ը՝ ժանդարմերիայում, 1.643 (1529)-ը՝ առափնյա անվտանգության ուժերում։ 2016-ի հունվարին ներկայացված տվյաների համեմատ պարտադիր զինծառայություն անցնողների թվաքանակն ավելացել է 5518-ով:

Սակայն ավելացնենք, որ նոյեմբերին հրապարակված ցուցանիշների համեմատությամբ պարտադիր զինծառայություն անցնողների թվաքանակն ընդհանուր առմամբ նվազել է 12.668-ով:

Քաղաքացիական ծառայողների և աշխատողների քանակը 52.394 (51․681) է, որից 47.785-ը (47․283)՝ ցամաքային, ռազմաօդային և ռազմածովային ուժերում, 3668-ը (3477)՝ ժանդարմերիայում, 921-ը (921)՝ առափնյա անվտանգության ուժերում։

Այսպիսով, Թուրքիայի ԶՈւ-ի ընդհանուր թվաքանակը 633.056 է (626․004) է, որից 458.444(451․325)՝ ցամաքային, ռազմաօդային և ռազմածովային ուժերում, 169.072(169․249)՝ ժանդարմերիայում, 5.540(5430)՝ առափնյա անվտանգության ուժերում։

ԶՈւ ընդհանուր թվաքանակը նախորդ ամսվա համեմատ ավելացել է 7052-ով, ընդ որում, հենց շուրջ 7 հազարով ավելացել է ցամաքային, ռազմաօդային և ռազմածովային ուժերում զինծառայողների թվաքանակը, իսկ ժանդարմերիայում այն նվազել է շուրջ 150-ով:

Պրոֆեսիոնալ զինծառայողներ են ընդհանուր զինուժի 42 տոկոսը։ Ցամաքային, ռազմաօդային, ռազմածովային ուժերում պրոֆեսիոնալ հիմունքներով է ծառայում զինծառայողների 39 տոկոսը, ժանդարմերիայում՝ 48 տոկոսը, իսկ առափնյա անվտանգության ուժերում՝ 64 տոկոսը։

Զինվորական կոչում Ցամաքային ուժեր, ՌԾՈւ, ՌՕՈւ Ժանդարմերիա Առափնյա անվտանգություն Ընդհանուր թվաքանակ
Գեներալ, ծովակալ 325 32 1 358
Սպաներ 32.530 6.509 668 39.707
Ենթասպաներ 70.028 26.371 1576 97.975
Պայմանագրային ժանդարմներ 21.917 21.917
Հատուկ պայմանագրային եֆրեյտորներ 47.155 24.475 658 72.288
Պայմանագրային եֆրեյտորներ, շարքայիններ 10.317 73 10.390
Պրոֆեսիոնալ անձնակազմ 160.355 79.304 2.976 242.635
Զորակոչված անձնակազմ 250.304 86.080 1.643 338.027
Քաղաքացիական կազմ 47.785 3.688 921 52.394
Ընդհանուր թվաքանակ 458.444 169.072 5.540 633.056
Պայմանագրայինների թիվը՝ %-ով 39 48 64 42

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *