Թուրքիայի ԶՈւ-ն փորձարկել է բնակելի վայրերում ռազմական գործողությունների մեխանիզմները

Թուրքիայի ԶՈւ գլխավոր շտաբը փետրվարի 8-ին հայտնել է հունվարի վերջին և փետրվարի սկզբին Բինգյոլում, Վանում, Հաքքարիում, Թուրքիայի մի շարք այլ շրջաններում, ինչպես նաև Կիպրոսում անցկացված վարժանքների մասին: Հիմնական մասը ուղղված է եղել բնակելի վայրերում մարտական գործողություններ վարելու մեխանիզմների կատարելագործմանը: Այս մասին նշվում է Թուրքիայի ԶՈւ ԳՇ կայքում հրապարակված հաղորդագրությունում:

Փետրվարի 1-ին թուրքական ժանդարմերիայի և ոստիկանության հատուկ գործողությունների հրամանատարության ստորաբաժանումները համատեղ զորավարժություն են անցկացրել Թուրքիայի ԶՈւ ցամաքային զորքերի 3-րդ բանակի 8-րդ բանակային կորպուսի Բիթլիսում տեղակայված հատուկ նշանության 10-րդ բրիգադի («Կոմանդոսների բրիգադ») 3-րդ գումարտակի` Վան նահանգի Էրչիշ գավառում տեղակայված զորավարժարանի տարածքում:

Վարժանքների ընթացքում փորձարկվել են բնակելի վայրերում «ահաբեկիչների» (Թուրքիայում ահաբեկիչ են համարում նաև PKK-ի զինյալներին) դեմ գործողությունների մեխանիզմները:

Թուրքիայի ԶՈւ 3-րդ բանակի Կոմանդոսների 10-րդ բրիգադի և ոստիկանության հատուկջոկատայինների վարժանքներ Վանի Էրչիշ գավառում. 01.02.2016 թ.

Թուրքիայի ԶՈւ 3-րդ բանակի Կոմանդոսների 10-րդ բրիգադի և ոստիկանության հատուկջոկատայինների վարժանքներ Վանի Էրչիշ գավառում. 01.02.2016 թ.

Կոմանդոսների 10-րդ բրիգադի և ոստիկանության հատուկջոկատայինները բնակելի վայրերում գործողությունների վարման վարժանքներ են անցկացրել. 01.02.2016 թ.

Կոմանդոսների 10-րդ բրիգադի և ոստիկանության հատուկջոկատայինների բնակելի վայրերում գործողությունները վարման վարժանքներ են անցկացրել. 01.02.2016 թ.

Հունվարի 25-29-ին կոմանդոսների 49-րդ բրիգադը (տեղակայման վայրը` Բինգյոլ ) նույնպես անցկացրել է բնակելի վայրերում ահաբեկիչների դեմ գործողությունների փորձարկման զորավարժություն:

Բինգյոլում տեղակայված կոմանդոսների 49-րդ բրիգադի վարժանքները. հունվար 2016թ.

Բինգյոլում տեղակայված կոմանդոսների 49-րդ բրիգադի վարժանքները. հունվար 2016թ.

Բինգյոլում տեղակայված կոմանդոսների 49-րդ բրիգադի վարժանքները. հունվար 2016թ.

Բինգյոլում տեղակայված կոմանդոսների 49-րդ բրիգադի վարժանքները. հունվար 2016թ.

Հունվարի 21-ին էլ վարժանքներ են անցկացրել Թուրքիայի հարավարևելյան Հաքքարի նահանգի` Իրանի և Իրաքին սահմանակից Շեմդինլի գավառում տեղակայված 34-րդ սահամանապահ բրիգադի ստորաբաժանումները:

34-րդ սահամանապահ բրիգադի ստորաբաժանումների վարժանքները Շեմդինլիում

34-րդ սահամանապահ բրիգադի ստորաբաժանումների վարժանքները Շեմդինլիում

34-րդ սահամանապահ բրիգադի ստորաբաժանումների վարժանքները Շեմդինլիում

34-րդ սահամանապահ բրիգադի ստորաբաժանումների վարժանքները Շեմդինլիում

Բացի այս, հունվարի վերջին Թուրքիայի ԶՈւ ստորաբաժանումները վարժանքներ են անցկացրել նաև Թուրքիայի արևմտյան շրջաններում, ինչպես նաև Կիպրոսի թուրքական հատվածում, այսպես կոչված` «Հյուսիսային Կիպրոսի Թուրքական Հանրապետությունում»:

Հիշեցնենք, որ փետրվարի 1-ին Թուրքիայի ԶՈւ գլխավոր շտաբը տեղեկություններ էր հրապարակել հունվարին անցկացված նմանատիպ շուրջ տասը զորավարժությունների մասին, որոնք հիմնական մասն անցկացվել էին Հայաստանին սահմանամերձ շրջաններում:

Ավելացնենք, որ 2015-ի հուլիսից Թուրքիայի արևելյան քրդաբնակ շրջաններում շարունակվում են թուրքական ուժայինների և քրդական կազմակերպությունների մարտերը, որոնք երկուստեք բազմաթիվ զոհերի պատճառ են դարձել, այդ թվում՝ նաև խաղաղ բնակչության շրջանում:

Թուրքիայի արևելքում 2015-ի հուլիսին սկսած զինված բախումների ընթացքին կարող եք ծանոթանալ այս հղումով:

One response to “Թուրքիայի ԶՈւ-ն փորձարկել է բնակելի վայրերում ռազմական գործողությունների մեխանիզմները

  1. Pingback: Թուրքիայի ԶՈւ ԳՇ պետն այցելել է Ստամբուլի ստորաբաժանումներ, հետևել վարժանքներին | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *