Բալթիկ ծովում սկսվել են «Դանեքս-2012» զորավարժությունները

Սեպտեմբերի 3-12-ը Բալթիկ ծովում տեղի ունեցող միջազգային ռազմածովային «Դանեքս-2012» զորավարժություններին առաջին անգամ կմասնակցեն նաև ՌԴ Բալթյան նավատորմի ռազմանավերը: Այդ մասին լրագրողներին հայտնել է ՌԴ արևելյան ռազմական շրջանի (ԱՌՇ) Բալթյան նավատորմի պաշտոնական ներկայացուցիչ՝ երկրորդ աստիճանի կապիտան Վլադիմիր Մատվեևը:
Զորավարժություններին կմասնակցի 20 երկիր, այդ թվում՝ ՌԴ, Դանիա, Գերմանիա, Նորվեգիա, Ֆինլանդիա, ԱՄՆ, Կանադա և այլն, շուրջ 40 ռազմական և 10 առևտրային նավ, ավելի քան 10 ինքնաթիռ և ուղղաթիռ, մոտ 4 հազար մարդ, ինչպես նաև մասնակից երկրների առափնյա անվտանգությունն ապահովող մարմիններ:
Մատվեևի խոսքերով՝ զորավարժությունների նպատակն է մշակել բազմազգ նավային խմբի համատեղ աշխատանքների տեխնիկա լոկալ խնդիրների կարգավորման, ինչպես նաև խաղաղարար, հակաահաբեկչական, հակածովահենային միջոցառումների իրականացման գործում: