Երևանում ստորագրվել է Հայաստանի և Վրաստանի միջև 2016թ-ի պաշտպանական համագործակցության պլանը

Փետրվարի 1-ին ՀՀ ՊՆ վարչական համալիրում Հայաստանի պաշտպանության նախարար Սեյրան Օհանյանն ընդունել է Վրաստանի պաշտպանության նախարարի գլխավորած պատվիրակությանը։ Երկու երկրների պաշտպանության նախարարներն առանձնացրույց են ունեցել, որից հետո ստորագրվել է 2016թ. պաշտպանական համագործակցության ծրագիրը։

Հայաստանի և Վրաստանի պաշտպանության նախարարները Երևանում. 01.02.2016թ.

Հայաստանի և Վրաստանի պաշտպանության նախարարները Երևանում. 01.02.2016թ.

«Երկու երկրների ՊՆ միջազգային համագործակցության համար պատասխանատու պաշտոնյաները ստորագրեցին Հայաստանի և Վրաստանի պաշտպանության նախարարությունների միջև 2016թ. պաշտպանական համագործակցության ծրագիրը: Այս տարվա համգործակցության հիմնական ուղղություններից է փորձի փոխանակումը խաղաղապահության, ռազմական կրթության, մասնագիտական վերապատրաստման և ռազմավարական պլանավորման ոլորտներում»,— հանդիպումից հետո ասուլիսի ժամանակ հայտարարեցին երկու երկրների պաշտպանության նախարարները։

Վրաստանյան պատվիրակությունը

Վրաստանյան պատվիրակությունը

Հայաստանի և Վրաստանի պաշտպանության նախարարների համատեղ ասուլիսը

Հայաստանի և Վրաստանի պաշտպանության նախարարների համատեղ ասուլիսը

Համատեղ ասուլիսին Վրաստանի պաշտպանության նախարար Թինա Խիդաշելին անդրադարձավ նաև Թուրքիայի և Ադրբեջանի հետ համագործակցությանը՝ նշելով, որ այդ երկրները Վրաստանի ռազմավարական գործընկերներն են, իսկ Թուրքիան ՆԱՏՕ անդամ հարևան երկիր, որը միջազգային բոլոր հարթակներում սատարում է Վրաստանին։

Խիդաշելին նշեց նաև, որ Վրաստանի ուսումնական կենտրոններ բաց են բոլոր գործընկեր երկրների, այդ թվում՝ Հայաստանի համար։

Նշենք, որ  Սաչխերեի լեռնային պատրաստության դպրոցում 2007 թվականից ՆԱՏՕ-ի «Գործընկերություն հանուն խաղաղություն» ծրագրի (NATO Partnership for Peace — PfP) շրջանակներում վերապատրաստվում են Հայաստանի ԶՈւ զինծառայողներ։

One response to “Երևանում ստորագրվել է Հայաստանի և Վրաստանի միջև 2016թ-ի պաշտպանական համագործակցության պլանը

  1. Pingback: Հայաստանի նախագահը և վարչապետն ընդունել են Վրաստանի պաշտպանության նախարարին | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *