Իրանը խոշոր զորավարժություններ կանցկացնի

Իրանը սեպտեմբերի 22-ից հոկտեմբերի 21-ը Իրանի ՀՕՊ ուժերի և «Իսլամական հեղափոխության պահապանների» կորպուսի(ԻՀՊԿ) մասնակցությամբ խոշոր զորավարժություններ կանցկացնի: Այդ մասին այսօր հայտնել է Իրանի անգլալեզու TB -Press հեռուստաալիքը:
Իրանում գտնվող «Խատամ-ալ-Անբիյա» բազայի ՀՕՊ ուժերի հրամանատար գեներալ Ֆարզադ Իսմաիլի խոսքերով՝ զորավարժությունների նպատակը մասնակիցների նախապատրաստումն է ճգնաժամային իրավիճակներում գործելուն:
Նշենք, որ օգոստոսի վերջին Իրանը հայտարարել էր ռադիոտեղորոշման այնպիսի համակարգի ներդրման մասին, որն ընդունակ է հետևել ԱՄՆ ԱԹՍ-երի տեղաշարժին տարածաշրջանում և անհրաժեշտության դեպքում ոչնչացնել դրանք:
2011 թվականի դեկտեմբերին Իրանի տեղական լրատվամիջոցները հաղորդել էին Իրանի ՀՕՊ ուժերի կողմից ամերիկյան ՌՔ-170 «Սենտինել» ԱԹՍ-ի ոչնչացման մասին: Ավելի ուշ հայտարարվեց, որ սարքը ոչ թե ոչնչացվել, այլ Իրանի ուժերի կողմից հսկողության տակ է վերցվել, և հարկադիր վայրէջք կատարել Իրանի հարավ-արևելքում՝ Աֆղանստանի սահմանից 250 կմ հեռավորության վրա:
Հուլիսին սկզբին ԻՀՊԿ-ն եռօրյա զորավարժություններ է անցկացրել, որոնց ընթացքում արձակվել են փոքր, միջին և մեծ հեռահարությամբ հրթիռներ: Կորպուսի օդատիեզերական ուժերի հրամանատարության հայտարարության համաձայն՝ Իրանը ունի մինչև 2000կմ հեռահարությամբ հրթիռներ: