Նախորդ շաբաթվա ընթացքում Պաշտպանության բանակում շարքային կազմի դիպուկահարների վերապատրաստման հավաքներ են կազմակերպվել պահեստազորայինների հետ: Այս մասին տեղեկացնում է ՀՀ ՊՆ «Զինուժ» հեռուստածրագրի՝ հունվարի 24-ի թողարկումը:
ՊԲ հավաք-պարապմունքներին մասնակցող պահեստազորային դիպուկահարները
Դասերի ընթացքում անցկացվել են մարտավարական և մասնագիտական տարբեր պարապմունքներ, գործնականում ցուցադրվել են այն մեթոդները, որոնք անհրաժեշտ են մասնակիցների մոտ պատրաստության ցանկալի մակարդակ ապահովելու համար:
Դասընթացի նպատակների մասին խոսելիս հավաքների ղեկավար, փոխգնդապետ Սևակ Աբրահամյանը նշում է, որ հաշվի առնելով այն հանգամանքը, որ սպառազինությունը և մարտավարությունը փոխվում են՝ անհրաժեշտ էր պահեստազորայիններին ծանոթացնել նոր զենքերին ու մարտավարությանը: Պարապմունքների ընթացքում, ըստ դրանց ղեկավարի, շեշտը դրվում է հրաձգային մարզումների վրա՝ զինծառայողների գործնական ունակությունները կատարելագործելու նպատակով:
ՊԲ պահեստազորային դիպուկահարը թաքստոցում
Հավաքներին մասնակցող պահեստազորային Թևոս Աբգարյանի խոսքով՝ պարապմունքներն անհրաժեշտ են, որպեսզի իրենք լրիվ, լիովին պատրաստ լինեն անհրաժեշտության դեպքում, իմանան իրենց գործողությունները մարտական գործողություններին մասնակցելու ժամանակ:
«Զինուժ» հեռուստածրագրի տեղեկություններով՝ առաջիկայում, ըստ մասնագիտական ուղղվածության, նման հավաք-պարապմունքներ իրականացվելու են նաև պահեստազորի այլ կազմերի (զորատեսակների) հետ:
ՊԲ պահեստազորային դիպուկահարների համար անցկացվող պարապմունքը
ՊԲ պահեստազորային դիպուկահարների համար անցկացվող պարապմունքը
Pingback: Ռազմաշաբաթ. Հայաստան. 24 – 30 հունվարի, 2016 | Ռազմ.info
Pingback: Պաշտպանության բանակում անցկացվել են դիպուկահարների հավաքներ | Ռազմ.info