Թուրքիայի զինված ուժերը հունվարի 18-ից 22-ը նախատեսում է վարժանքներ անցկացնել Կարսի «Աքբաբա» զորավարժարանում: Ավիաուղիների անվտանգությունն ապահովելու նպատակով վարժանքները կոորդիանցվելու են Կարսի օդանավակայանի ղեկավարության հետ համատեղ։ Այս մասին հունվարի 15-ին հայտնում է Թուրքիայի ԶՈւ ԳՇ կայքը։
Թուրքիայի ԶՈւ «Ձմեռ ” 2015» կրակային զորավարժություն Կարսում
Թուրքիայի ԶՈւ գլխավոր շտաբը տարածել է նաև «ժամանակավոր անվտանգության գոտի» հայտարարված տարածքների և մուտքի արգելքի կոորդինատներն ու ժամանակահատվածը՝ նշելով, որ այդ տարածքներում հունվարի 18-ից 22-ը անցկացվելու է զորավարժություն։
Հրապարակված կոորդինատների ուսումնասիրության արդյունքում պարզ է դառնում, որ զորավարժությունն անցկացվելու է Կարսի օդանավակայանի և Աքբաբա քաղաքի միջև ընկած տարածքում տեղակայված «Աքբաբա» զորավարժարանի տարբեր վայրերում։
Հայտարարությունում ընդգծվում է, որ զորավարժության ընթացքում կրակի արձակման բարձրությունը չպետք է գերազանցի 14000 ֆուտը (մոտավորապես 4267 մ)։
Ավելացնենք, որ Թուրքիայի զինված ուժերը Կարսի զորավարժարանում տարին 2-ից 4 անգամ անցկացնում է նմանատիպ վարժանքներ: 2014-ի ձմռանը Կարսում անցկացվող զորավարժությանը մասնակցել էին նաև Ադրբեջանի ԶՈւ ստորաբաժանումները:
Pingback: Ռազմաշաբաթ. Թուրքիա. 10 – 16 հունվարի, 2016 | Ռազմ.info
Pingback: Թուրքիայի ԶՈւ-ն ևս 2 ձմեռային զորավարժություն է անցկացնելու Կարսում (քարտեզ) | Ռազմ.info