Իրաքի զամաքային զորքերը ստացել են ամերիկյան Մ1Ա1 «Աբրամս» տանկերի վերջին խմբաքանակը

Իրաքի ցամաքային զորքերը ստացել են ամերիկյան Մ1Ա1 «Աբրամս» տանկերի վերջին խմբաքանակը: Այդ մասին հայտնում է Զինամթերքի համաշխարհային առևտրի վերլուծության կենտրոնը(ЦАМТО):
Նշենք, որ 2008 թվականին Իրաքի կառավարությունը դիմել էր ԱՄՆ-ին՝ 140 միավոր Մ-1Ա1 «Աբրամս» և արդիականացված Մ-1Ա1Մ «Աբրամս» տանկեր, ինչպես նաև տարբեր տեսակի զրահապատ մեքենաներ, զինամթերք և այլ սպառազինություն տրամադրելու խնդրանքով:
Մ-1Ա1 «Աբրամս» տանկերի առաջին խմբաքանակը Իրաքին տրամադրվել է 2010 թվականի օգոստոսի 7-ին, իսկ երկրորդը՝ 2011-ին:
Տանկերի մատակարարումը իրականացվում է Իրաքի ԶՈՒ վերազինման ծրագրի շրջանակներում:
Մատակարարման ավարտից հետո Իրաքի 9-րդ դիվիզիայի կազմում ձևավորվել է 4 գունդ, որոնցից յուրաքանչյուրում հաշվվում է 35 Մ-1Ա1 «Աբրամս» տանկ: