Սեյրան Օհանյանի մասնակցությամբ ամփոփվել են 5-րդ բանակային կորպուսի ուսումնական տարվա արդյունքները

Հունվարի 13-ին ՀՀ պաշտպանության նախարար Սեյրան Օհանյանը մասնակցել է 2015 թվականի ուսումնական տարվա ընթացքում ՀՀ ՊՆ հինգերորդ բանակային կորպուսի աշխատանքների արդյունքների ամփոփմանը նվիրված ռազմական խորհրդի նիստին, որի ընթացքում հաշվետու զեկույցներով հանդես են եկել զորամիավորման հրամանատարի տեղակալները: Այս մասին տեղեկացնում է ՀՀ ՊՆ կայքը։

ՀՀ ՊՆ 5-րդ բանակային կորպուսի 2015թ․ ուսումնական տարվա արդյունքների ամփոփումը

ՀՀ ՊՆ 5-րդ բանակային կորպուսի 2015թ․ ուսումնական տարվա արդյունքների ամփոփումը

Զեկույցներում վերլուծվել են մարտական և զորահավաքային պատրաստականության, մարտական հերթապահության, մարտական պատրաստության և զինվորական կարգապահության ամրապնդման հարցերի կատարելագործմանն ուղղված միջոցառումների արդյունքները:

Ընդգծվել է, որ առավել բարձրացվել է զորքերի մարտական պատրաստության և առաջադրված մարտական խնդիրներին օպերատիվորեն արձագանքելու աստիճանը, լուրջ ուշադրություն է դարձվել հատկապես առաջնագծում տարվող աշխատանքների կատարելագործմանը:

Ելույթ ունեցողները անդրադարձել են նաև զորամիավորման ենթակա ստորաբաժանումներում մարտական հերթապահության նախապատրաստման և կրման կազմակերպմանը, դրա վերահսկման գործընթացին, պլանավորված և կատարված ինժեներական աշխատանքների որակին:

Նախարար Սեյրան Օհանյանը ստուգում է 5-րդ բանակային կորպուսի ենթակա զորամասերից մեկի գույքը

Նախարար Սեյրան Օհանյանը ստուգում է 5-րդ բանակային կորպուսի ենթակա զորամասերից մեկի գույքը

Բարձր գնահատելով անցած ուսումնական տարվա միջոցառումների արդյունավետությունն ու որակական առաջընթացը` պաշտպանության նախարար Սեյրան Օհանյանը միաժամանակ անդրադարձել է առկա բացթողումներին, դրանք վերացնելու հիմնական միջոցառումներին ու աշխատանքային ուղղություններին:

Սեյրան Օհանյանը վստահություն է հայտնել, որ 2016թ. ուսումնական տարում զինված ուժերը հավատարիմ են մնալու ամենօրյա զարգացման և շարունակական առաջընթացի սկզբունքներին` տարվա ընթացքում ղեկավարվելով «Պատրաստված հրամանատար, արհեստավարժ բանակ, ապահով հայրենիք» կարգախոսով:

Նիստի ավարտին ուսումնական տարվա ընթացքում լավագույն արդյունքներ ցուցաբերած զինվորական ստորաբաժանումներին հանձնվել են պատվո դրոշներ: Իրենց լավագույնս դրսևորած և բարեխիղճ զինծառայողները պաշտպանության նախարարի, ԶՈւ ԳՇ պետի և զորամիավորման հրամանատարի հրամաններով արժանացել են գերատեսչական մեդալների, պատվոգրերի և արժեքավոր նվերների:

Նախարար Օհանյանը պարգևատրում է 5-րդ բանակային կորպուսի սպաներից մեկին

Նախարար Օհանյանը պարգևատրում է 5-րդ բանակային կորպուսի սպաներից մեկին

2 responses to “Սեյրան Օհանյանի մասնակցությամբ ամփոփվել են 5-րդ բանակային կորպուսի ուսումնական տարվա արդյունքները

  1. Pingback: Ամփոփվել են 1-ին և 4-րդ բանակային կորպուսների 2015թ․ արդյունքները | Ռազմ.info

  2. Pingback: Պաշտպանության բանակում ամփոփել են 2015թ․ աշխատանքները | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *