Ամփոփվել են 2-րդ, 3-րդ բանակային կորպուսների 2015թ․ արդյունքները

Հունվարի 12-ին ՀՀ պաշտպանության նախարար Սեյրան Օհանյանը և ՀՀ ԶՈՒ ԳՇ պետ, գեներալ-գնդապետ Յուրի Խաչատուրովը մասնակցել են ՀՀ ՊՆ երկրորդ և երրորդ բանակային կորպուսների 2015թ․ ուսումնական տարվա արդյունքների ամփոփմանը նվիրված ռազմական խորհրդի նիստերին: Այս մասին տեղեկացնում է ՀՀ ՊՆ կայքը։

ՀՀ ՊՆ 2-րդ բանակային կորպուսի 2015թ․ ուսումնական տարվա արդյունքների ամփոփումը

ՀՀ ՊՆ 2-րդ բանակային կորպուսի 2015թ․ ուսումնական տարվա արդյունքների ամփոփումը

Հաշվետու զեկույցներով հանդես են եկել բանակային զորամիավորումների հրամանատարներն ու նրանց տեղակալները: Վերլուծվել են անցկացված մարտական և զորահավաքային պատրաստականության, օպերատիվ և շտաբային պատրաստության, զինվորական կարգապահության ամրապնդման, մարտական հերթապահության կրման պայմանների և թիկունքային ապահովման հարցերի կատարելագործմանն ուղղված միջոցառումների արդյունքները:

Ընդգծվել է, որ առավել բարձրացվել է զորքերի մարտական պատրաստության և առաջադրված մարտական խնդիրներին օպերատիվորեն արձագանքելու, զինծառայողների ինքնուրույնության ու նախաձեռնողականության աստիճանը, լուրջ ուշադրություն է դարձվել հատկապես առաջնագծում տարվող աշխատանքների կատարելագործմանը:

Ձեռք են բերվել ժամանակակից հեռահար, ճշգրիտ միջոցներ, լրակահավորվել և տարբեր միջոցներով հագեցվել են մարտական հենակետերը, ինժերենական ամրաշինական կառույցներն ու արգելափակոցները: Շահագործման են հանձնվել ռազմական նշանակության մի շարք նոր օբյեկտներ, թարմացվել է զորամասերի ուսումնանյութական բազան:

Նախարար Սեյրան Օհանյանի ելույթը՝ ՀՀ ՊՆ 3-րդ բանակային կորպուսի 2015թ․ ուսումնական տարվա արդյունքների ամփոփմանը

Նախարար Սեյրան Օհանյանի ելույթը՝ ՀՀ ՊՆ 3-րդ բանակային կորպուսի 2015թ․ ուսումնական տարվա արդյունքների ամփոփմանը

Հրամանատարի և զինվորի ճիշտ փոխգործակցության, նոր մարտավարական ձևերի կիրառման շնորհիվ նշյալ միջոցառումները թույլ են տվել վերահսկելու հակառակորդի շարժը, դիմագրավելու յուրաքանչյոր ոտնձգության՝ անհրաժեշտության դեպքում իրականացնելով պատժիչ գործողություններ, լիարժեք կերպով կատարվել է պետական սահմանի պահպանության խնդիրը:

Արձանագրված հաջողությունների համատեքստում բարձր գնահատելով բանակի յուրաքանչյուր օղակի դերն ու նշանակությունը` նախարար Սեյրան Օհանյանը անդրադարձել է նաև առկա բացթողումներին, դրանք վերացնելու միջոցառումներին ու աշխատանքային ուղղություններին:

Պաշտպանական գերատեսչության ղեկավարը վստահություն է հայտնել, որ 2016 ուսումնական տարում զինված ուժերը հավատարիմ են մնալու ամենօրյա զարգացման և շարունակական առաջընթացի սկզբունքներին` տարվա ընթացքում ղեկավարվելով «Պատրաստված հրամանատար, արհեստավարժ բանակ, ապահով հայրենիք» կարգախոսով:

Ռազմական խորհրդի նիստերի ընթացքում ուսումնական տարվա լավագույն արդյունքներ ցուցաբերած զինվորական ստորաբաժանումներին հանձնվել են պատվո դրոշներ, իսկ աչքի ընկած զինծառայողներին պարգևատրել են նախարար Օհանյանը և ԶՈւ ԳՇ պետ Յուրի Խաչատուրովը։

Նախարար Օհանյանը պարգևատրում է 3-րդ բանակային կորպուսի սպաներից մեկին

Նախարար Օհանյանը պարգևատրում է 3-րդ բանակային կորպուսի սպաներից մեկին

ՀՀ ԶՈւ գլխավոր շտաբի պետ, գեներալ-գնդապետ Յուրի Խաչատուրովը պարգևատրում է 2-րդ բանակային կորպուսի սպաներից մեկին

ՀՀ ԶՈւ գլխավոր շտաբի պետ, գեներալ-գնդապետ Յուրի Խաչատուրովը պարգևատրում է 2-րդ բանակային կորպուսի սպաներից մեկին

2 responses to “Ամփոփվել են 2-րդ, 3-րդ բանակային կորպուսների 2015թ․ արդյունքները

  1. Pingback: Ամփոփվել են 1-ին և 4-րդ բանակային կորպուսների 2015թ․ արդյունքները | Ռազմ.info

  2. Pingback: Պաշտպանության բանակում ամփոփել են 2015թ․ աշխատանքները | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *