ՌԴ ԶՈւ 102-րդ ռազմաբազայի մոտոհրաձիգները վարժանքներ են անցկացնում «Կամխուդում» և «Ալագյազում»

Գյումրիում տեղակայված Ռուսաստանի ԶՈւ 102-րդ ռազմաբազայի շուրջ 1000 մոտոհրաձիգներ Հայաստանի բարձրլեռնային «Կամխուդ» և «Ալագյազ» զորավարժարաններում մեկնարկել են մեկամսյա վարժանքները: Այս մասին հունվարի 12-ին հայտնում է ՌԴ ՊՆ կայքը:

ՀՀ-ում տեղակայված՝ Ռուսաստանի ԶՈւ Հարավային ռազմական օկրուգի մեջ մտնող 102-րդ ռազմաբազայի զինծառայողներ

Ռազմաբազայի մոտոհրաձիգները դաշտային ելքը մեկնարկել է ավտոմայրուղիներով և լեռնային վայրերով 30 և 100 կմ երթերով: Մինչև երթով զորավարժարաններ հասնելը զինծառայողները փորձարկել են պայմանական հակառակորդի հարձակումներին դիմագրավելու և դժվարանցանելի տեղերը հաղթահարելու մեխանիզմները:

Զորավարժության ծրագրի համաձայն` զինծառայողները պետք է յուրացնեն ռազմական հետախուզության ժամանակակից համակարգերը, իսկ անհատական վերապատրաստման փուլի ավարտին յուրաքանչյուր զինծառայող կանցնի ռազմական պատրաստության նորմատիվների հանձնման աթեստավորում, ինչից հետո էլ կառանձնացվեն համապատասխան մոտոհրաձգային հաշվարկները:

Հիշեցնենք, որ 2015-ի դեկտեմբերի վերջին «Կամխուդ» զորավարժարանում մեկամսյա վարժանքներ էին սկսել 102-րդ ռազմաբազայի հետախույզները: