Թուրքիայի ԶՈւ գլխավոր շտաբը հունվարի 11-ին հայտնել է դեկտեմբերի 28-31-ին Սվազում (Սեբաստիա) և 2016-ի հուվարի 1-ից 2-ը Հաքքարիում ցամաքային զորքերի հատուկ նշանակության ստորաբաժանումների անցկացրած զորավարժությունների մասին: Այս մասին նշվում է Թուրքիայի ԶՈւ ԳՇ կայքում հրապարակված հաղորդագրությունում:
Կրակային վարժանքներ Սվազում (Սեբաստիա)
2015-ի դեկտեմբերի 28-ից 30-ը Թուրքիայի ԶՈւ ցամաքային զորքերի հետևակային ստորաբաժանումների 5-րդ ուսումնական բրիգադի զինծառայողները կրակային զորավարժություն են անցկացրել Սվազում:
Վարժանքների ընթացքում ուշադրություն է դարձվել նշանառուների գործողություններին:
Թուրքիայի ԶՈւ հատուկ նշանակության 2-րդ բրիգադի զինծառայողները վարժանքներ են անցկացրել երկրի հարավարևելյան` Իրաքին և Իրանին սահմանակից Շեմդինլի գավառում:
2016-ի հունվարի 1-2-ին Թուրքիայի ԶՈւ կոմանդոսների հատուկ նշանակության 2-րդ բրիգադի զինծառայողները վաժանքներ են անցկացրել երկրի հարավարևելյան` Իրաքին և Իրանին սահմանակից Հաքքարի նահանգի Շեմդինլի գավառում:
Զորավարժության ընթացքում փորձարկվել են ձմեռային պայմաններում մարտ վարելու մեխանիզմները: