Թինաթին Խիդաշելին շնորհավորել է Վրաստանի բանակում ծառայող հայերի Սուրբ Ծնունդը (վիդեո)

Հունվարի 6-ին Վրաստանի պաշտպանության նախարար Թինաթին Խիդաշելին այցելել է Թբիլիսիում հայկական Սուրբ Գևորգ եկեղեցի և մասնակցել սուրբծննդյան պատարագին: Խիդաշելիին ուղեկցել են ՊՆ և ԳՇ ներկայացուցիչներ: Այս մասին տեղեկացնում է Վրաստանի պաշտպանության նախարարության մամուլի ծառայությունը:

Վիրահայոց թեմի առաջնորդ Վազգեն եպիսկոպոս Միրզախանյանը և Թինաթին Խիդաշելին

Վիրահայոց թեմի առաջնորդ Վազգեն եպիսկոպոս Միրզախանյանը և Թինաթին Խիդաշելին

Ինչպես նշվում է հաղորդագրության մեջ, Խիդաշելին նշել է, որ Վրաստանի բանակում ծառայում են նաև Վրասանում ապրող հայեր և իր պարտքն է եղել շնորհավորել նաև նրանց տոնի կապակցությամբ:

«Այսօր հայ առաքելական եկեղեցին նշում է Աստծո հայտնության տոնը: Ես ուզում եմ շնորհավորել մեր էթնիկ հայ քաղաքացիներին` մաղթելով խաղաղություն, երջանկություն և հաջողություններ: Առանձնահատուկ ուզում եմ շնորհավորել հայ զինծառայողներին, ովքեր ծառայում են մեր երկրին: Մենք բոլորս կառուցում ենք միացյալ, հզոր ու անկախ վրացական պետություն»,— ասել է Խիդաշելին:

Պատարագից հետո Խիդաշելին հանդիպել է նաև Վիրահայոց թեմի առաջնորդ Վազգեն եպիսկոպոս Միրզախանյանին: Վերջինս Խիդաշելիին նվիրել է սրբապատկեր:

Ձախից` Վրաստանի պաշտպանության նախարար Թինա Խիդաշելին, աջից` Վրաստանում Հայաստանի դեսպան Յուրի Վարդանյանը

Ձախից` Վրաստանի պաշտպանության նախարար Թինա Խիդաշելին, աջից` Վրաստանում Հայաստանի դեսպան Յուրի Վարդանյանը

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *