Դեկտեմբերի 24-ին Դաղստանի Շամիլսկի շրջանում փոխհրաձգության ժամանակ սպանվել է մի քանի զինված խմբավորումների անդամ Հաջի Կելբելիևը։ Այս մասին հայտնում է « Կովկասյան հանգույց» լրատվակայքը։
Դաղստանի զինյալներ
Նշվում է, որ հատուկ գործողության ժամանակ ոստիկանները փնտրելիս են եղել դաշնային հետախուզման մեջ գտնվող զինյալի։ Վերջինիս ուժայիններն առաջարկել են հանձնել զենքն ու հանձնվել, սակայն զինյալը չի լսել և սկսել է կրակել։
Ինչպես հաղորդում է Ռուսաստանի հակաահաբեկչական հանձնաժողովը, սպանվածը եղել է «իզբերբաշյան», ապա «հարավդաղստանյան» զինված խմբավորումների անդամ է եղել։ Ծնվել է 1983 թվականին, 2014 թվականից հետախուզման մեջ էր։
Արդեն տեղեկացրել էինք նաև, որ դեկտեմբերի 23-ին Դաղստանի մեկ այլ շրջանում՝ Խասավյուրտում սպանվել էր ևս մեկ զինյալ։ Հակաահաբեկչական հանձնաժողովը հայտնել է նաև նրա ինքնությունը։ Սպանվածը 1992 թվականին ծնված Մագոմեդ Զաքարևն է։
Եվս մեկ զինված միջադեպի մասին էլ հայտնել էինք երեկ՝ դեկտեմբերի 24-ին։ Մախաչկալայում ուժայինները փոխհրաձգության ժամանակ սպանել էին զինված տղամարդու։ Հայտնի է նաև վերջինիս ինքնությունը՝ 1972 թվականին ծնված Ջամբուլաթ Ալիև։ Ավելի վաղ հայտարարվել էր, որ վերջինիս կասկածում էին զինյալներին աջակցելու մեջ։