Այսօր՝ դեկտեմբերի 24-ի առավոտյան, Դաղստանի մայրաքաղաք Մախաչկալայում ուժայինները փոխհրաձգության ժամանակ սպանել են զինված տղամարդու։ Այս մասին հայտնում է «Կովկասյան հանգույց» լրատվակայքը՝ հղում անելով Դաղստանի ուժային կառույցներին։
Ինչպես նշվում է հաղորդագրության մեջ, փոխհրաձգությունը սկսվել է, երբ ուժայինները փորձել են փաստաթղթերը ստուգելու համար ավտոմեքենայի վարորդին կանգնեցնել։ Վերջինս չի ենթարկվել ուժայիններին և սկսել է կրակել։
Հայտնի է, որ սպանվածը խասավյուրտյան զինված խմբավորման անդամ անդամ է եղել, զբաղվել է հավաքագրությամբ։ Սպանվածի մեքենայից իրավապահները գտել են զենք և զինամթերք։
Դեկտեմբերի 23-ին էլ ուժայինները Խասավյուրտում դարձյալ փոխհրաձգության ժամանակ սպանել են ևս մեկ զինված տղամարդու, որի ինքնությունը դեռևս հայտնի չէ։
Դեկտեմբերի 16-ին էլ Դաղստանի Կիզիլյուրտի շրջանում ուժայինները բախման ժամանակ սպանել էին զինված երեք հոգու։ Վերջիններս աջակցում էին այսպես կոչված «կիզիլյուրտյան» զինված խմբավորման ակտիվ անդամներ Ումար Սաբուևին և Հաջիմուրադ Ղուրբանովին։
Pingback: Կաբարդինո-Բալկարիայում սպանվել է 3 զինյալ | Ռազմ.info
Pingback: Դաղստանում 2 օրվա ընթացքում սպանվել է 3 զինյալ | Ռազմ.info