Համաձայն «Խաղաղության խնդիրների հետազոտման Ստոկհոլմյան ինստիտուտի» (SIPRI) զեկույցի` 2014-ին թուրքական երկու ընկերություն տեղ են գտել աշխարհի` 100 ամենաշատ ռազմական արտադրանք վաճառած ռազմարդյունաբերական ընկերությունների ցուցակում: Զեկույցում նշվում է, որ 2014-ին Թուրքիայի ռազմարդյունաբերական արտադրանքների արտահանումն ավելացել է:
«Ասելսան» ընկերության Հեռակառավարվող կայունացված (ստաբիլիզացված) հրետանային համակարգ (STOP)
SIPRI-ի զեկույցում նշվում է, որ ռազմական արտադրանքի վաճառքով 2014-ի 100 խոշորագույն ընկերությունների ցուցակում տեղ են գտել թուրքական «Ասելսան» և «ԹԱԻ» ընկերությունները:
Մասնավորապես «Ասելսան» ընկերությունը 2013-ի համեմատ բարձրացել է 7 հորիզոնականով` 1 մլրդ 110 մլն ռազմական արտադրանքի վաճառքով զբաղեցնելով 66-րդ հորիզոնականը: Սրանից զատ ընկերությունը վաճառել է նաև շուրջ 30 մլն ամերիկյան դոլարի այլ արտադրանք:
2013-ի համեմատ 14 հորիզոնականով բարձրացել է նաև թուրքական ԹԱԻ ընկերությունը` 850 մլն ամերիկյան դոլարի ռազմական արտադրանքի վաճառքով զբաղեցնելով 89-րդ հորիզոնականը: Ընկերությունը վաճառել է նաև շուրջ 150 մլն դոլարի այլ արտադրանք` ընդհանուր վաճառքի 15%-ը:
2005-ի համեմատ «Ասելսանի» ռազմական արտադրանքի վաճառքն ավելացել է շուրջ երեք անգամ` 215%-ով, իսկ ԹԱԻ-ի վաճառքը` 1074%-ով: Ընդհանուր առմամբ վերջին տասը տարում թուրքական ռազմարդյունաբերությունը կտրուկ աճ է գրանցել, ինչը կապված է Թուրքիայի` սեփական ռազմարդյունաբերությունը զարգացնելու նպատակների, ինչպես նաև ռազմական արտադրանքի պահանջարկի աճի հետ:
«Խաղաղության խնդիրների հետազոտման Ստոկհոլմյան ինստիտուտի» (SIPRI) զեկույցում 2014-ին համաշխարհային զենքի վաճառքի լավագույն 100 ընկերությունների ցուցակում երկու թուրքական ընկերություն է տեղ գտել
Ավելացնենք, որ Թուրքիայի ռազմարդյունաբերական խոշորագույն «Ասելսան» ընկերությունը, հիմնականում զբաղվում է օպտիկա-էլեկտրոնային համակարգերի, ինչպես նաև անօդաչու թռչող սարքերի, ռումբերի կառավարման համակարգերի, ինչպես նաև այլ սարքավորումների արտադրությամբ ու վաճառքով։
ԹԱԻ-ն ևս Թուրքիայի ռազմարդյունաբերական խոշորագույն ընկերություններից է: Այն մասնավորապես զբաղվում է ինքնաթիռների, ուղղաթիռների, անօդաչու թռչող սարքերի, ինչպես նաև արհեստական արբանյակների արտադրությամբ:
Թուրքական Turkish Aerospace Industries (TAI) ընկերության արտադրության T129 Atak («Աթաք») հարվածային ուղղաթիռը
SIPRI-ի տվյալներով՝ 2014-ին աշխարհում ընդհանուր առմամբ վաճառվել է 401 մլրդ ռազմական արտադրանք, ինչը շուրջ 1,5 անգամ զիջում է 2013-ին գրանցված ցուցանիշին, սակայն դեռևս 43 տոկոսով ավելի է` քան 2002-ին:ԱՄՆ-ի և Արևմտյան Եվրոպայի ռազմարդյունաբերական ընկերությունները 80,3 %-ով շարունակում են գերիշխել համաշխարհային զենքի վաճառքի շուկայում:Ինչպես և նախորդ տարի, աշխարհի ռազմարդյունաբերական խոշորագույն ընկերությունների ցանկը գլխավորում են ամերիկյան և եվրոպական ընկերությունները:
| 1. | Lockheed Martin | ԱՄՆ | 37.470 մլն $ |
| 2. | Boeing | ԱՄՆ | 28.300 մլն $ |
| 3. | BAE sistems | Մեծ Բրիտանիա | 25.730 մլն $ |
| 4. | Raytheon | ԱՄՆ | 21.370 մլն $ |
| 5. | Northrop Grumman | ԱՄՆ | 19.660 մլն $ |
| 6. | General Dynamics | ԱՄՆ | 18.600 մլն $ |
| 7. | Airbus Group | Եվրոպա | 14.490 մլն $ |
| 8. | United Technologies Corp. | ԱՄՆ | 13.020 մլն $ |
| 9. | Finmeccanica | Իտալիա | 10.540 մլն $ |
| 10. | L-3 Communications | ԱՄՆ | 9.810 մլն $ |
Ցանկում ընդգրկված ռուսաստանյան առաջատար ընկերություններից են հետևյալները`
| 11. | Алмаз-Антей | 8840 մլն $ | |
| 14. | Объединённая авиастроительная корпорация | 6110 մլն $ | |
| 15. | Объединённая судостроительная корпорация | 5980 մլն $ | |
| 23. | Вертолёты России | 3890 մլն $ | |
| 24. | Объединённая приборостроительная корпорация | 3640 մլն $ |
Գրաֆիկում ներկայացված է 2014-ին զենքի համաշխարհային վաճառքի տարաբաշխումն ըստ պետությունների: Թուրքիան ընդգրկված է «այլ» (other) բաժնում` Ավստրալիայի, Բրազիլիայի, Ֆինլանդիայի, Նորվեգիայի, Լեհաստանի, Սինգապուրի, Շվեցարիայի և Ուկրաինայի հետ:
2014-ին զենքի համաշխարհային վաճառքի ցուցակն ըստ երկրների
Pingback: Հրապարակվել է աշխարհի 100 խոշորագույն ռազմարդյունաբերական ընկերությունների ցուցակը | Ռազմ.info