Ռուսաստանի ԶՈւ գործողությունները Սիրիայում, ամփոփում. ՌԴ ՊՆ

Դեկտեմբերի 11-ին ՌԴ պաշտպանության նախարարության կոլեգիայի ընդլայնված նիստին ներկայացվել է Սիրիայում ռուսաստանյան ստորաբաժանումների` 2015-ի սեպտեմբերի 30-ից մինչ օրս իրականացրած գործողությունների ամփոփումը: Ամփոփումը տեղ է գտել ՌԴ ՊՆ կայքում:

ՌԴ ԶՈւ ՍՈւ-30ՍՄ կործանիչը Սիրիայի «Հմեյմիմ» ավիաբազայում

Սեպտեմբերի 30-ից Ռուսաստանը Սիրիայի կառավարության միջնորդությամբ կետային ավիահարվածներ է հասցնում այդ երկրում «Իսլամական պետություն», ինչպես նաև մի շարք այլ ահաբեկչական խմբավորումների դիրքերին: Գործողություններին ներգրավված են ՌԴ ԶՈւ հեռահար, օպերատիվ-մարտավարական ավիացիան, նավեր և սուզանավեր:

Առաջին անգամ ՌԴ ԶՈւ-ն օգտագործել է ռազմաօդային և ծովային բազաներում տեղակայված մինչև 1500 կմ հեռահարությամբ թևավոր հրթիռներ: Ռազմական ավիացիան իրականացրել է շուրջ 4 հազար մարտական թռիչք, ոչնչացրել ավելի քան 8 հազար ահաբեկչական օբյեկտ:

Հոկտեմբերի 7-ից ՌԴ ԶՈւ-ն սկսել էր Կասպյան նավատորմիղի նավերից թևավոր հրթիռներ արձակել Սիրիայում ԻՊ դիրքերին, որոնք մինչև նշանակետին հասնելը անցնում են Իրանի և Իրաքի օդային սահմաններով՝ հատելով 1500 կմ հեռավորություն։ Մանրամասները կարող եք կարդալ Ռազմինֆոյի համապատասխան հոդվածում։

ՌԴ ԶՈւ հրթիռային հարվածները ԻՊ դիրքերին Կսապից ծովից։