Հայաստանի պաշտպանության նախարարության և Հունաստանի ազգային պաշտպանության նախարարության միջև ռազմական համագործակցության շրջանակներում նոյեմբերի 30-ին Հունաստան է այցելել ՀՀ ՊՆ պաշտպանական քաղաքականության վարչության պետ Լևոն Այվազյանի գլխավորած պատվիրակությունը: Այս մասին տեղեկացնում է ՀՀ ՊՆ կայքը:
Այցի ընթացքում Լևոն Այվազյանը հանդիպել է Հունաստանի ազգային պաշտպանության գլխավոր շտաբի ռազմավարության և քաղաքականության դիրեկտորատի տնօրեն, դեր-ծովակալ Իոաննիս Պավլոպուլոսին և միջազգային համագործակցության վարչության պետ, բրիգադի գեներալ Միլտիադիս Գրիլակիսին:
Հանդիպումների ընթացքում քննարկվել են Հայաստանի և Հունաստանի միջև ռազմական համագործակցության զարգացմանը և խորացմանը, տարածաշրջանում տիրող իրավիճակին վերաբերող և երկկողմ հետաքրքրություն ներկայացնող այլ հարցեր:
Այցի արդյունքում ստորագրվել է Հայաստանի պաշտպանության նախարարության և Հունաստանի ազգային պաշտպանության նախարարության միջև ռազմական համագործակցության 2016 թվականի ծրագիրը:
Pingback: Պաշտոնական այցով Հայաստանում է Հունաստանի պաշտպանության նախարարը | Ռազմ.info