Ռուս ծովայինները զորավարժություններ կանցկացնեն Սև ծովում

Ավելի վաղ Ռազմ.ինֆոն անդրադարձել էր «Բլեքսիֆոր» Օպերատիվ փոխգործակցության Սևծովյան ռազմածովային խմբի ակտիվացմանը, որը շարունակվելու է մինչև օգոստոսի 24-ը: Ծովային պարապմունքների ընթացքում նախատեսված էր իրականացնել նավերի այցը Տրապիզոնի(Թուրքիա) և Նովոռոսիսիկի (Ռուսաստան) նավահանգիստներ:
Երեկ Սևծովյան նավատորմի տեղեկատվական բաժնի պետ՝ առաջին աստիճանի կապիտան Վյաչեսլավ Տրուխաչևը լրագրողներին հայտնել է, որ «Բլեքսիֆոր» խմբի նավերը ավարտել են ռազմածովային պարապմունքերի հիմնական փուլը և ժամանել Նովոռոսիսկի նավահանգիստ:
Նովոռոսիսկի ռազմածովային բազայում օգոստոսի 21-23-ը ՌԴ Նովոռոսիսկի ռազմածովային բազայի հրամանատար առաջին աստիճանի կապիտան Սերգեյ Պինչուկի ղեկավարությամբ կանցկացվեն «Վստահություն 2012» զորավարժությունները: Զորավարժությունների շրջանակներում, Տրուխաչևի խոսքերով, Սևծովյան նավատորմի ռուս ծովայինները, ըստ սցենարի, հակաահաբեկչական խմբի կազմում կձերբակալեն «ահաբեկիչների» կողմից զավթված նավը, ինչպես նաև ավիացիայի ներգրավմամբ որոնողափրկարարական միջոցառումներ կմշակեն:
Զորավարժությունների ընթացքին, բացառությամբ վրացական կողմի, կհետևեն Սևծովյան ռազմածովային «Բլեքսիֆոր» խմբում ներգրավված երկրների ներկայացուցիչները: Վերջիններիս, ըստ Տրուխաչևի, կցուցադրվեն Նովոռոսիսկի ռազմածովային բազայի ինֆրակառույցներն ու ռազմական նավերը:
Անցկացվող զորավարժությունների և «Բլեքսիֆոր» խմբի մասին առավել մանրամասն կարող եք կարդալ այստեղ՝ :