Հյուսիսային նավատորմի նավերը Միջերկրականից անցել են Ատլանտյան օվկիանոս

Ավելի վաղ Ռազմ.ինֆոն անդրադարձել է ՌԴ ՌԾՈՒ միջնավատորմային խմբի(Հյուսիսային և Բալթյան նավատորմի նավեր) կողմից օգոստոսի 13-14-ը Միջերկրականում հակաահաբեկչական զորավարժությունների անցկացմանը:
Երեկ Հյուսիսային նավատորմի տեղեկատվական բաժնի պետ՝ առաջին աստիճանի կապիտան Վադիմ Սերգան լրագրողներին հայտնել է, որ Հյուսիսային նավատորմի մարտական նավերի ջոկատը, որի կազմում ռուսական երեք մեծ դեսանտային նավեր են, թողել է Միջերկրականն ու Ջիբրալթարի նեղուցով անցել Ատլանտյան օվկիանոս:
ՌԴ ՀՆ ներկայացուցչի խոսքերով՝ ռուսական նավերը երկուշաբթի Ատլանտյան օվկիանոսում նավային զորավարժություններ են անցկացրել տարբեր բարձրություններից և ուղղություններով օդային վտանգների չեզոքացման ուղղությամբ:
Սևերոմորսկ քաղաքից դուրս գալուց հետո ՌԴ մարտական նավերի ջոկատը Ռուսասատանի ՌԾՈՒ միջնավատորմային նավերի խմբի կազմում Բալթյան նավատորմի նավերի հետ միասին մի շարք ոսումնամարտական առաջադրանքներ է իրականացրել: