Արցախի «Մեխակավան» զորավարժարանում անցկացվել է Պաշտպանության բանակի մարտական հրաձգությամբ գնդային մարտավարական զորավարժություն: Այս մասին տեղեկացնում է հայաստանյան «Պանորամա» լրատվակայքը:
Հայաստանի ռազմաքաղաքական ղեկավարությունը հետևում է Պաշտպանության բանակի գնդային զորավարժությանը. լուսանկարը «Պանորամա» լրատվակայքի
Մի քանի փուլով անցկացված զորավարժության հիմնական նպատակներն են եղել կատարելագործել ներգրավվող ստորաբաժանումների հրամանատարների ունակությունները մարտի տարբեր դրվագներում ենթակա և տրված ստորաբաժանումների հատուկ ղեկավարման գործում, ինչպես նաև գումարտակների շտաբերի մարզումը:
Զորավարժությունները հնարավորինս մոտեցված են եղել իրական մարտական գործողություններին: Սկզբում ՊԲ ստորաբաժանումները կազմակերպել են պաշտպանություն՝ հայտնաբերելով և լռեցնելով պայմանական հակառակորդի կրակակետերը, այնուհետև զորավարժության մասնակից ստորաբաժանումները անցել են հակահարձակման:
Զորավարժությանը հետևել են աշխատանքային այցով Արցախում գտնվող ՀՀ նախագահ, ԶՈւ գերագույն գլխավոր հրամանատար Սերժ Սարգսյանը, Արցախի նախագահ Բակո Սահակյանը, ՀՀ պաշտպանության նախարարը, Պաշտպանության բանակի հրամանատարը և բարձրաստիճան հրամանատարական կազմը:
Զորավարժության ավարտից հետո Հայաստանի ռազմաքաղաքական ղեկավարությունը պարգևատրել է զորավարժության ընթացքում ակտիվություն ցուցաբերած զինծառայողներին:
Pingback: Նախագահ Սարգսյանն այցելել է ՊԲ հարավ-արևելյան զորամասեր | Ռազմ.info
Pingback: Ռազմաշաբաթ․ Հայաստան․ 15–21 նոյեմբերի, 2015 | Ռազմ.info