Այսօր՝ նոյեմբերի 17-ին, Ադրբեջանի պաշտպանության նախարար, գեներալ-գնդապետ Զաքիր Հասանովն ընդունել է Թուրքիայի ԶՈւ ցամաքային զորքերի հրամանատար Սալիհ Զեքի Չոլաքին։ Այս մասին հայտնում է Ադրբեջանի ՊՆ կայքը։
Թուրքիայի ցամաքային զորքերի հրամանատար, բանակի գեներալ Զալիհ Զեքի Չոլաք
Ադրբեջան այցելած թուրք զինվորականի հետ հանդիպման ընթացքում Հասանովը քննարկել է տարածաշրջանի քաղաքականության, Ադրբեջանի և Թուրքիայի զինված ուժերի համագործակցության ընդլայնման և այլ հարցեր։
Թուրքիայի ցամաքային զորքերի հրամանատար, բանակի գեներալ Զալիհ Զեքի Չոլաքի եռօրյա այցը Ադրբեջան մեկնարկել է նոյեմբերի 16-ին։ Այցի շրջանակներում Չոլաքի հանդիպելու է նաև բարձրաստիճան այլ պաշտոնյաների, այցելելու է Ադրբեջանի զինված ուժերի ռազմական ակադեմիա։
Նշենք, որ Զալիհ Զեքի Չոլաքն այս պաշտոնում է այս տարվա օգոստոսի 5-ից։
Նկատենք, որ վերջին շրջանում Թուրքիայի ռազմական բարձրաստիճան սպաներն ավելի հաճախ են այցելում Ադրբեջան։ Հոկտեմբերի 5-ին՝ հայ-ադրբեջանական սահմանին և ուժերի շփման գծում օպերատիվ իրավիճակի սրման հերթական ալիքից ու մասնավորապես հայկական կողմի պատժիչ գործողություններից հետո, պաշտոնական այցով Ադրբեջան մեկնեց նաև Թուրքիայի ԶՈւ ԳՇ պետ Հուլուսի Աքարը։
Pingback: Թուրքիայի ցամաքային զորքերի հրամանատարը հանդիպել է Ադրբեջանի սահմանապահ պետծառայության պետին | Ռազմ.info