Նոյեմբերի 10-ին Կաբարդինո-Բալկարիայի մայրաքաղաք Նալչիկում հայտարարվել էր հակաահաբեկչական գործողության ռեժիմ, որի ժամանակ ուժայինները շրջափակել էին բնակելի բազմահարկ շենք։ Գործողության ժամանակ սպանվել է «Իսլամական պետություն» ահաբեկչական խմբավորման տեղի ղեկավար Ռոբերտ Զանկիշիևը։Այս մասին հաղորդում է «Կովկասյան հանգույց» լրատվակայքը՝ հղում անելով ՌԴ ազգային հակաահաբեկչական հանձնաժողովին։
ՌԴ ուժայիններ։ Նկարը՝ ՌԴ ազգային հակաահաբեկչական հանձնաժողովի
Նշվում է, որ հակաահաբեկչական գործողության ժամանակ բնակելի շենքում են եղել Զանկիշիևը և նրա մուսուլման կինը։ Վերջինս փոխհրաձգության ժամանակ վիրավորվել է, տարհանվել հատուկ գործողության վայրից ու տեղափոխվել հիվանդանոց։ Զանկիշիևի կինը ուժայինների հսկողության տակ է։
Հաղորդագրության մեջ նշվում է նաև, որ քաղաքացիականների թվում տուժածներ չեն եղել, իսկ գործողության ժամանակ վիրավորվել է դաղստանյան ոստիկանության հատուկ նշանակության ջոկատային։
Տեղեկացնենք, որ Զանկիշիևը դաշնային հետախուզման մեջ էր, հայտնի էր «Աբդուլլա» անունով։ Գործողության ավարտից հետո Նալչիկում հակաահաբեկչական գործողության ռեժիմը հանվել է։
Pingback: Կաբարդինո-Բալկարիայում սպանվել է 14 զինյալ, այդ թվում՝ ԻՊ տեղի նորանշանակ պարագլուխը | Ռազմ.info
Pingback: Կաբարդինո-Բալկարիայում անցկացվում են հակաահաբեկչական վարժանքներ | Ռազմ.info