Սև ծովի ավազանի չորս երկրների՝ Թուրքիայի, Ռուսաստանի, Ռումինիայի և Բուլղարիայի սահմանապահ ծառայությունների առափնյա անվտանգության ուժերը 2016 թվականի հուլիս ամսին լայնամասշտաբ համատեղ զորավարժություն անցկացնելու պայմանավորվածություն են ձեռք բերել։ Այս մասին հայտնում է ռուսական «ՌԻԱ Նովոստի» գործակալությունը:
Ռուսաստանի Առափնյա անվտանգության ուժերի «Ժեմչուգ»։ Նկարը՝ Ստամբուլում ՌԴ-ի հյոպատոսարանի կայքի
Գործակալության փոխանցմամբ՝ որոշումն ընդունվել է հոկտեմբերի 10-ին Ռուսաստանի Սոչի քաղաքում մեկնարկած «Սև ծովի ավազանի երկրների սահմանապահ զորքերի առափնյա անվտանգության ուժերի համագործակցության» 16-րդ ֆորումի ընթացքում։ Քննարկվել է նաև գալիք տարում տեղեկատվության մշակման ավտոմատացված համակարգի կատարելագործման աշխատանքները մոտ ժամանակում ավարտելու հարցը։
Նշենք, որ այս տարվա օգոստոսի 18-19-ը Թուրքիայում անցկացվել է «Սևծովյան բազե-2015» զորավարժությունը՝ «Սև ծովի ավազանի երկրների սահմանապահ զորքերի առափնյա անվտանգության ուժերի համագործակցության ֆորումի» շրջանակներում, որին մասնակցում էին Թուրքիան, ՌԴ-ն, Ռումինիան և Բուլղարիան։
Սև ծովի ավազանի երկրների միջև ռազմական համագործակցության այս ձևաչափը մշակվել է 2000 թվականին Թուրքիայի Ստամբուլ քաղաքում։ Կանոնակարգի համաձայն՝ ֆորումն ամեն տարի հերթականությամբ նախագահում է սևծովյան ավազանի որևէ երկիր։
Հարկ է նշել, որ Վրաստանը և Ուկրաինան, որոնք նույնպես «Սև ծովի ավազանի երկրների սահմանապահ զորքերի առափնյա անվտանգության ուժերի համագործակցության ֆորումի» անդամ երկրներ են, չեն մասնակցել ինչպես այս, այնպես էլ նախորդ ֆորումին:
Pingback: Ռազմաշաբաթ. Թուրքիա. 8–14 նոյեմբերի, 2015 | Ռազմ.info