Ռազմինֆոն ամփոփել է Ադրբեջանի զինված ուժերի՝ հոկտեմբերի կորուստները • Զաքիր Հասանովն այցելել է Ղազախստան • Ադրբեջանում հավատարմագրված ռազմական կցորդներն այցելել են երկրի ՌԾՈւ ռազմակայան • Մադաթ Գուլիևը նշանակվել է ԱԱՆ գերիների հանձնաժողովի նախագահ
Զաքիր Հասանովը Ղազախստանի ռազմական ուսումնական հաստատությունում
• Ռազմինֆոյի՝ բաց աղբյուրների մշտադիտարկման արդյունքում 2015-ի հոկտեմբերին Ադրբեջանի պաշտպանական և անվտանգության համակարգերում արձանագրվել է մահվան 2 և վիրավորման 4 դեպք։ Հայտնի դարձած բոլոր մահացածներն ու վիրավորները եղել են զինված ուժերի զինծառայողներ։ Մահացածներից մեկը սպանվել է մարտական պայմաններում, իսկ մյուսը, ով ինքնակամ լքել էր ծառայության վայրը, մահացել է դեռևս անհայտ հանգամանքներում։
• Նոյեմբերի 3-5-ը Ղազախստան է այցելել Ադրբեջանի պաշտպանության նախարար, գեներալ-գնդապետ Զաքիր Հասանովը։ Հոկտեմբերի 5-ին Հասանովը եղել է Ղազախստանի զինված ուժերի ռազմական բարձրագույն ուսումնական հաստատության իմիտացիոն մոդելավորման կենտրոնում, ուսումնական լսարաններում ու ամբիոններում։
• Նոյեմբերի 5-ին Ադրբեջանում հավատարմագրված օտարերկրյա ռազմական կցորդներն այցելել են երկրի ԶՈւ ռազմածովային ուժերի համեմատաբար վերջերս շահագործման հանձնված գլխավոր ռազմակայանում, որտեղ ծանոթացել են ծառայության կազմակերպմանն ու ռազմակայանի գործունեությանը։
Օտարերկրյա ռազմական կցորդների այցը ՌԾՈւ ռազմաբազա
• Ադրբեջանի ազգային անվտանգության նախարարի առաջին տեղակալ, ներկայում՝ նախարարի պաշտոնակատար Մադաթ Գուլիևը հոկտեմբերի 30-ին նշանակվել է այդ գերատեսչության՝ Գերիների, պատանդների ու անհայտ կորածների հարցերով պետական հանձնաժողովի նախագահ։
Հատկանշական է, որ մինչև կադրային փոփոխությունները հանձնաժողովը ղեկավարում էր ԱԱՆ նախկին ղեկավար Էլդար Մահմուդովը։ Զարգացումների այսպիսի ընթացքը թույլ է տալիս ենթադրել, որ Գուլիևը շուտով կստանձնի նաև երկրի ԱԱՆ ղեկավարի պաշտոնը։
Ռազմաշաբաթը նաև՝