Օտարերկրյա ռազմական կցորդներն այցելել են Ադրբեջանի ՌԾՈւ ռազմակայան

Նոյեմբերի 5-ին Ադրբեջանում հավատարմագրված օտարերկրյա ռազմական կցորդներն այցելել են երկրի ԶՈւ ռազմածովային ուժերի համեմատաբար վերջերս շահագործման հանձնված գլխավոր ռազմակայանում, որտեղ ծանոթացել են ծառայության կազմակերպմանն ու ռազմակայանի գործունեությանը։ Այս մասին հայտնում է Ադրբեջանի ՊՆ մամուլի ծառայությունը։

Օտարերկրյա ռազմական կցորդների այցը ՌԾՈւ ռազմաբազա

Օտարերկրյա ռազմական կցորդների այցը ՌԾՈւ ռազմաբազա

Հաղորդագրությունում նշվում է, որ այցի շրջանակներում ռազական կցորդները հանդիպել են ՌԾՈւ ռազմակայանի հրամանատարությանը, ստացել իրենց հետաքրքրող հարցերի պատասխանենրը, ինչպես նաև ծանոթացել ռազմակայանի կազմը համալրող ռազմանավերին, դրանցում ծառայություն իրականացնող զինծառայողներին և նրանց կենցաղային պայմաններին։

Նշենք, որ Ադրբեջանի ԶՈւ ռազմածովային ուժերի նոր ռազմակայանը տեղակայված է Գարադաղի շրջանում։ Այն շահագործման է հանձնվել 2015-ի հունիսի 25-ին։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *