12:45 Երեկ Դաղստանի Բոլտիխի շրջանում՝ Չանկո գյուղից քիչ հեռու, իրավապահ մարմինների և մի խումբ զինված անձանց միջև տեղի ունեցած փոխհրաձգության հետևանքով ոստիկանության հինգ աշխատակից է մահացել:
Դեպքի վայր ժամանած լրացուցիչ ուժերին հաջողվել է արգելափակել զինյալներին: Բախման հետևանքով երկու զինյալ է սպանվել: Որոնողական աշխատանքները շարունակվում են:
Այդ մասին հայտնում են Դաղստանի Ազգային հակաահաբեկչական կոմիտեից:
Ինչպես երեկ հաղորդվել էր, ժամը 13:00-ի սահմաններում Դաղստանի Բոտլիխի շրջանում մի խումբ անհայտ անձինք կրակել էին ոստիկանների ուղղությամբ, ինչի հետևանքով երեք ոստիկան էր մահացել, մեկը՝ վիրավորվել: Ավելի ուշ զոհերի թիվը աճել է՝ հասնելով հինգի:
***
11:49 Դաղստանի իրավապահ մարմինների ձեռնարկած օպերատիվ-հետախուզական և որոնողական աշխատանքերի ժամանակ ուժայինների հետ փոխհրաձգության հետևանքով հինգշաբթի երեկոյան Դաղստանի Տաբասարանի շրջանում սպանվել է «Յուժնայա» դիվերսիոն-ահաբեկչական խմբավորման անդամ՝ 1990 թվականին ծնված Իսրաֆիլ Իսմաիլովը:
Այդ մասին հայտնել է Դաղստանի ՆԳՆ աղբյուրը:
Հայտնի է, որ հետախուզման մեջ գտնված Իսրաֆիլ Իսմաիլովը բնակվել է Դերբենտի շրջանի Կալա գյուղում:
Դեպքի վայրում հայտնաբերվել են «Բայկալ» գրությամբ ձևափոխված ՊՄ տիպի ատրճանակ՝ լիցքավորված 9մմ տրամաչափի 6 փամփուշտով, ինչպես նաև ՌԳԴ-5 նռնակ՝ բռնկիչով: