Թուրքիայի քրդաբնակ շրջաններում «Քրդստանի աշխատավորական կուսակցության» (PKK) և Թուրքիայի ուժայինների միջև բախումներում այսօր՝ նեյեմբերի 2-ին՝ ժամը 16։27-ի դրությամբ սպանվել է PKK-ի 1 զինյալ, 1 քաղաքացիական, վիրավորվել է PKK-ի 1 զինյալ, 20 քաղաքացիական, ձերբակալվել է 17 քաղաքացիական, PKK-ի 4 զինյալ, հանձնվել է PKK-ի 1 զինյալ: Ռազմինֆոն հետևում է իրադարձություններին և թարմացնում օրվա լրահոսը:
Իհլաս․ Թուրքիայի հարավարևելյան Հաքքարի նահանգի Չուքուրջա գավառում անվտանգության ուժերին է հանձնվել PKK-ի մեկ զինյալ։
IMCTV․ Թուրքիայի հարավարևելյան Մարդին նահանգի Նուսայբին գավառում, դեռևս անհայտ պատճառներով, հզոր պայթյուն է եղել Սելահադդին Էյյուբի թաղամասի վաճառակետերից մեկում։ Արդյունքում մահացել է մեկ և վիրավորվել՝ 20 քաղաքացիական։
Դողան․ Թուրքիայի հարավարևելյան Հաքքարի նահանգի Յուքսեքովա գավառում պայթել է PKK-ի զինյալների տեղադրած պայթուցիկ սարքը։ Պայթյունից հետո լսվել են նաև կրակոցների ձայներ։
Դողան․ Թուրքիայի հարավարևելյան Դիարբեքիր նահանգի Լիջե գավառում անվտանգության ուժերի հատուկ գործողության արդյունքում վնասարզերծվել է PKK-ի զինյալների տեղադրած երկու ական։
Թուրքիայի ԶՈւ ԳՇ կայք․ Թուրքիայի հարավարևելյան Հաքքարի նահանգի Յուքսեքովա գավառում թուրքական օդուժը հատուկ գործողություն է սկսել PKK-ի զինյալների դեմ՝ ավիահարվածներ հասցնելով զինյալների հենակետերին։
Թուրքիայի ԶՈւ ԳՇ կայք․ Թուրքիայի հարավարևելյան Շանլըուրֆա նահանգի Սուրուչ գավառում անվտանգության ուժերի հատուկ գործողության արդյունքում ձերբակալվել է Սիրիայից Թուրքիա ներթափանցել փորձող PKK-ի երկու զինյալ։
Թուրքիայի ԶՈւ ԳՇ կայք․ Թուրքիայի հարավարևելյան Բիթլիս նահանգում անվտանգության ուժերի հատուկ գործողության արդյունքում ոչնչացվել է 100 կգ պայթուցիկ նյութ։
Թուրքիայի ԶՈւ ԳՇ կայք․ Թուրքիայի հարավարևելյան Շրնաք նահանգում անվտանգության ուժերի հատուկ գործողության արդյունքում ոչնչացվել է PKK-ի զինյալների մեկ ապաստարան և մի քանի զինանոցներ։
Դողան․ Թուրքիայի հարավարևելյան Թունջելի նահանգում անվտանգության ուժերի հատուկ գործողության արդյունքում սպանվել է PKK-ի մեկ զինյալ, վիրավորվել՝ ևս մեկը։ Ձերբակալվել է նաև երեք քաղաքացիական՝ զինյալների հետ համագործակցության մեղադրանքով։
Դողան․ Թուրքիայի հարավարևելյան Հաքքարի նահանգի համանուն գավառում՝ Բալքայալար շրջանում, անվտանգության ուժերի հատուկ գործողության արդյունքում ձերբակալվել է PKK-ի զինյալ խմբավորումներից մեկի կին ղեկավարը։
Դողան․ Թուրքիայի հարավարևելյան Գազիանթեփ նահանգում անվտանգության ուժերի հատուկ գործողության արդյունքում ձերբակալվել է 12 քաղաքացիական՝ PKK-ի երիտասարդական թև «Հայրենասիրական հեղափոխական երիտասարդական շարժման» (YDG-H) անդամ լինելու կասկածանքով։
Դողան․ Թուրքիայի հարավարևելյան Գազիանթեփ նահանգի համանուն գավառում պայթել է քաղաքացիական մեքենայի մեջ տեղադադրված պայթուցիկ սարքը։ Դեպքի վայր ժամանած անվտանգության ուժերի հատուկ գործողության արդյունքում ձերբակալվել է երկու կասկածյալ։
Հիշեցնենք, որ թուրք-քրդական հարաբերությունների՝ վերջին ամիսների սրման պատճառը հուլիսի 20-ին Թուրքիայի հարավային Սուրուչ քաղաքում քրդերի դեմ ձեռնարկված ահաբեկչությունն էր, որի համար թուրքական իշխանությունները մեղադրեցին «Իսլամական Պետության» (ԻՊ) զինյալներին, իսկ քրդերը՝ նաև թուրքական իշխանություններին։ Սրան հաջորդեցին Թուրքիայում քրդերի և ԻՊ կողմնակիցների ձերբակալությունները։
Հուլիսի 23-ին ԻՊ ահաբեկիչների կրակոցներից զոհվեց թուրք-սիրիական սահմանում ծառայություն իրականացնող Թուրքիայի ԶՈւ մեկ ենթասպա, ևս երկու զինծառայող վիրավորվեցին, ինչին ի պատասխան թուրքական օդուժը սկսեց Սիրիայում և Իրաքում հարվածել ԻՊ-ի ու նաև «Քրդստանի աշխատավորական կուսակցության» (PKK) դիրքերին:
Լրահոսը թարմացնում են Նանե Մանասյանը, Սոնա Սուքիասյանը, Անահիտ Չալիկյանը
Pingback: Ռազմաշաբաթ. Թուրքիա. 1–7 նոյեմբերի, 2015 | Ռազմ.info