Պայթյուն Գրոզնիում. կան զոհեր

Երեկ ժամը 12:40-ի սահմաններում Չեչնիայի մայրաքաղաք Գրոզնիի Օկտյաբրսկի շրջանում ոստիկանական կետի մոտ, մահապարտ-ահաբեկիչների կողմից միանգամից երկու պայթյուն է իրականացվել: Այդ մասին ասված է ՌԴ Քննչական կոմիտեի տարածած հաղորդագրության մեջ:
Պայթյունների հետևանքով շարքից դուրս է եկել մոտակայքում գտնվող մեքենան, որում ՌԴ ՆԳՆ ներքին զորքերի ծառայողներ են եղել:
Ահաբեկչության հետևանքով չորս մարդ զոհվել է, 3-ը՝ վիրավորվել: ՌԴ Հակաահաբեկչական ազգային կոմիտեի տվյալներով՝ զոհերի թվում կան ինչպես ՆԶ ծառայողներ, այնպես էլ խաղաղ բնակիչներ:
Չեչնիայի նախագահ Ռամզան Կադիրովը նշել է ահաբեկչության հնարավոր կազմակերպիչների անունները: Նրա խոսքով՝ հիմքեր կան ենթադրելու, որ ահաբեկչությունը կազմակերպել են Մուսլիմ և Հուսեյն Հակաև եղբայրները:
Անջատողական Հուսեյն Հակաևը 2010 թվականին նշանակվել այսպես կոչված Իչկերիայի Հանրապետության (չեչեն ահաբեկիչների ինքնահռչակ, 2000 թվականից փաստացի գոյություն չունեցող պետություն) ԶՈՒ հրամանատար, իսկ Մուսլիմ Հակաևը` 2007 թվականից ԻՀ ԶՈՒ արևելյան ճակատի Շալինի լեռնային հատվածի հրամանատար։