Բախումներ Թուրքիայում. թարմացվող լրահոս, հոկտեմբերի 16

17։10
IMCTV. Թուրքիայի հարավարևելյան Հաքքարի նահանգի Յուքսեքովա գավառում անվտանգության ուժերի և PKK-ի զինյալների բախման ժամանակ մեկ քաղաքացիական է սպանվել։

16։28
Անադոլու․ Անկարայում հոկտմեբրի 10-ի պայթյունների գործով ձերբակալվել է ևս երեք անձ։

15։36
Դողան․ Թուրքիայի հարավարևելյան Թունջելի նահանգում՝ դեպի Էրզինջան տանող ճանապարհին, անվտանգության ուժերը հատուկ գործողություն են սկսել PKK-ի զինյալների դեմ։

15։33
Իհլաս․ Թուրքիայի հարավարևելյան Հաքքարի նահանգի Յուքսեքովա գավառում անվտանգության ուժերը, PKK-ի զինյալների փորած խրամատները ոչնչացնելիս, դիմադրության են հանդիպել դիմակավորված անձանց մի խմբի կողմից։

15։27
Դողան․ Թուրքիայի հարավարևելյան Շրնաք նահագի համանուն գավառում բախվել են PKK-ի երիտասարդական թև YDG-H-ի անդամներն ու անվտանգության ուժերն այն պահին, երբ վերջիններս փորձել են քանդել զինյալների փորած խրամատները։

15։17
Դողան․ Թուրքիայի հարավարևելյան Շրնաք նահանգի համանուն գավառում անվտանգության ուժերի և PKK-ի զինյալների միջև բախման արդյունքում սպանվել է 1 ուժային, ևս մեկը վիրավորվել է։

15։12
Դողան․ Թուրքիայի հարավարևելյան Էլազիղ նահանգում անվտանգության ուժերի հատուկ գործողության արդյունքում՝ PKK-ի զինյալների գործունեությանը մասնակցելու մեղադրանքով բերման ենթարկված 15 կասկածյալներից 4-ը կալանավորվել է։

15։07
Իհլաս․ Եվս մեկ ծանր վիրավորված քաղաքացիական է մահացել Թուրքիայի մայրաքաղաք Անկարայում հոկտեմբերի 10-ի՝ երկու խոշոր պայթյունների հետևանքով։ Զոհերի ընդհանուր թիվը հասել է 100-ի։

15։00
IMCTV. Թուրքիայի հարավարևելյան Շրնաք նահանգի համանուն գավառի մի շարք թաղամասերում մի քանի բախումներ են եղել անվտանգության ուժերի և PKK-ի զինյալների միջև։ Մեկ այլ՝ Հաքքարի նահանգի Յուքսեքովա գավառում, ուժայինների և զինյալների միջև փոխհրաձգության արդյունքում վիրավորվել է երկու քաղաքացիական։

14։45
Զաման․ Թուրքիայի հարավարևելյան Թունջելի նահանգում, քաղաքացիական բնակչությանը PKK-ի զինյալների հարձակումներից զերծ պահելու նպատակով, կանգնեցվել է Թունջելի-Էրզինջան ճանապարհի երթևեկությունը։

14։35
Թուրքիայի ԶՈւ ԳՇ կայք․ Թուրքիայի հարավարևելյան Դիարբեքիր նահանգում անվտանգության ուժերի հատուկ գործողության արդյունքում սպանվել է PKK-ի 9 զինյալ։

14։25
Սյոզջու․ Թուրքիայի հարավարևելյան Հաքքարի նահանգի Շեմդինլի գավառում PPK-ի մեկ զինյալ հանձնվել է անվտանգության ուժերին։

13:10
Դողան․ Թուրքիայի հարավային Գազիանթեփ նահանգում PKK-ի երիտասարդական թևի (YDG-H ) անդամների դեմ ոստիկանության ձեռնարկած հատուկ գործողությունների արդյունքում ձերբակալվել է 19 մարդ, որոնցից 11 կալանավորվել են, մյուսները բաց են թողնվել։

12:53
Իհլաս․ Թուրքիայի արևելյան Իգդիր նահանգում անվտանգության ծառայության ջոկատները հատուկ գործողություններ են ձեռնարկել PKK-ի զինյալների դեմ, ինչի արդյունքում ձերբակալվել է 4 մարդ։

12:38
Իհլաս․ Թուրքիայի արևելյան Մուշ նահանգում PKK-ի զինյալների դեմ ձեռնարկված գործողությունների արդյունքում սպանվել է PKK-ի 1 զինյալ, ևս 1-ը ձերբակալվել է։

12:20
Դողան․ Թուրքիայի հարավարևելյան Դիարբեքիր նահանգի Լիջե և Հանի գավառներում PKK-ի զինյալների դեմ գործողություններ իրականացնելու համար հայտարարվել է պարետային ժամ։

12:00
Իհլաս․ Թուրքիայի հարավարևելյան Շանլուրֆա նահանգի Ջեյլանփնար գավառում ժանդարմերիան հատուկ գործողություններ է ձեռնարկել PKK-ի երիտասարդական թևի (YDG-H) դեմ։ Արդյունքում ձերբակալվել է կազմակերպության 7 անդամ։

11։50

Դողան․ Թուրքիայի հարավարևելյան Շրնաք նահանգի Ջիզրե գավառի Դաղքափը թաղամասում ուժայինները հայտնաբերել են PKK-ի զինյալների՝ ճանապարհին տեղադրած պայթուցիկ սարք։ Ուժայինները անվտանգության միջոցառումներ են ձեռնարկել և ոչնչացրել պայթուցիկը։

 

Հիշեցնենք, որ թուրք-քրդական հարաբերությունների՝ վերջին շաբաթների սրման պատճառը հուլիսի 20-ին Թուրքիայի հարավային Սուրուչ քաղաքում քրդերի դեմ ձեռնարկված ահաբեկչությունն էր, որի համար թուրքական իշխանությունները մեղադրեցին «Իսլամական Պետության» (ԻՊ) զինյալներին, իսկ քրդերը՝ նաև թուրքական իշխանություններին։ Սրան հաջորդեցին Թուրքիայում քրդերի և ԻՊ կողմնակիցների ձերբակալությունները։

Հուլիսի 23-ին ԻՊ ահաբեկիչների կրակոցներից զոհվեց թուրք-սիրիական սահմանում ծառայություն իրականացնող Թուրքիայի ԶՈւ մեկ ենթասպա, ևս երկու զինծառայող վիրավորվեցին, ինչին ի պատասխան թուրքական օդուժը սկսեց Սիրիայում և Իրաքում հարվածել ԻՊ-ի ու նաև «Քրդստանի աշխատավորական կուսակցության» (PKK) դիրքերին:

Լրահոսը թարմացնում են Սոնա Սուքիասյանը, Նանե Մանասյանը, Անահիտ Չալիկյանը